Igandea, urriak 17

12:00

'Mr Link: Jatorri galdua'

Lionel Frost ikertzaileak mitoak eta munstroak ditu ikergai eta izaki arraro eta maitagarri bat aurkituko du, bere espezieko azkena, eta Mr. Link izena jarriko dio. Frostekin batera, Mr. Linkek bidaia zoragarri bezain dibertigarri bati ekingo dio duela asko galdutako bere lehengusu Yetiak aurkitzeko asmoz. Horretarako Adelina Fortnight abenturazale adoretsuaren laguntza izango dute, beronek baitauka Yetien kokagunea adierazten duen mapa bakarra. Hirurek elkar hartuta, arrisku ugari gainditu beharko dituzte helmugara iristeko.  Publiko guztientzat egokia.

12:00

'Mr Link: Jatorri galdua'

Lionel Frost ikertzaileak mitoak eta munstroak ditu ikergai eta izaki arraro eta maitagarri bat aurkituko du, bere espezieko azkena, eta Mr. Link izena jarriko dio. Frostekin batera, Mr. Linkek bidaia zoragarri bezain dibertigarri bati ekingo dio duela asko galdutako bere lehengusu Yetiak aurkitzeko asmoz. Horretarako Adelina Fortnight abenturazale adoretsuaren laguntza izango dute, beronek baitauka Yetien kokagunea adierazten duen mapa bakarra. Hirurek elkar hartuta, arrisku ugari gainditu beharko dituzte helmugara iristeko.  Publiko guztientzat egokia.

12:30

Txikientzako Gasteiz

Txikientzat diseinatutako ibilaldi entretenigarri eta didaktikoa da, familia-giroan egitekoa, non Erdi Aroko hiriguneko bazter ederrenetariko batzuk ikusiko dituzten. Gainera, green ikuspegian oinarrituriko ibilbidea da, ingurunea zaindu eta babesteko pistak nahiz proposamenak ematen baitira. Gure hiriak izen-abizenak zergatik dituen jakin nahi duzue? Eta green capital (hiriburu berdea) zergatik esaten dioten jakin nahi? Argitu bitxikeria horiek eta beste batzuk, eta bihur zaitezte esploradore hiri jasangarri batean. Prezioa: 5 eta 11 urte bitartean 4 €. 12 urtetik aurrera 6 €. 5 urtetik beherakoak doan (sarrera erreserbatuta). Adingabeak ezin dira bakarrik joan, 18 urtetik gorako heldu batekin joan beharko dute. Gehienez ere 4 adingabe heldu bakoitzeko. Harremanetarako: Vitoria-Gasteizko Udala. Turismo-bulegoa. Tel. 945 161 598 turismo@vitoria-gasteiz.org  

13:00

'Elkar ezagutu genuen eguna', Piszifaktoria Ideien Laborategia

Oreka ia ezinezko batean mugitzen den antzezlana da hau, eta gaur egun oso bogan dauden hainbat gai mahai gainean jartzen dituena: ustezko normaltasun batek eragiten duen desasosegua; gero eta bakartuago bizi den gizartea; urrutiko harremanak; elkarrekin egoteko, hitz egiteko, maitasuna adierazteko edo sexua praktikatzeko teknologiaren erabilera… Garaion Sorginguneak antolatuta.

17:00

Nai Malabarista

Txina, India edo Afrika bezalako lekuetatik sorpresa ugari dakar Nai Malabaristak. Abenturaz beteriko bidai batean murgilduko gara eta norberak bere bidea jarraitzearen garrantzia ikasiko dugu.    

09:55

Beldur barik sinopsi lehiaketa

Beldur barik jarrera erakusen duen sinopsi lehiaketa. Urriaren 27arte egongo da zabalik parte hartzeko epea. Irabazleen izenak Beldur Barik-en sare sozialetatik iragarriko dira urriaren 29an. Sari banaketa Aguraingo Harresi Aretoan izango da azaroaren 26an. Informazio gehiagorako klikatu hemen.

06:00

Euskara ludikoa haurrentzat

Urriaren 26tik abenduaren 21era bitartean, Euskara ludikoa haurrentzat izeneko programa eskaini nahi du Udalak. Euskara modu entretenigarrian ikasteko proposamena da honako hau. Bi adin-talderi zuzenduta egongo dira saioak: 6-9 urte arteko haurrak eta 10-12 urte artekoak. Astearteetan izango dira, gizarte-etxeko areto nagusian, honako ordutegi hauetan: 17:30etik 18:30era 6-9 urteko umeak eta 18:30etik 19:30era 10-12 urtekoak. Izena emateko epea urriaren 19ra arte izango da. Izena emateko eta informazio gehiago jasotzeko, idatzi euskeratrebino@gmail.com helbide elektronikora edo deitu 945360018 telefonora.