Deibizek egunkarian irakurtzen dituen istorioak ez dira batere politak, eta inoiz entzun ez diren ipuinak kontatzea erabakitzen du. Berdintasun, elkartasun eta aniztasuneko istorioak, mundua aldatzeko. 5-8 urte.
Nekatutak izeneko ikuskizunean, Antton Telleria zuzentasunaren mugak esploratzen saituko da (ikuskizunaren izenetik hasita). Barre eginarazteko helburu bakar eta sakratuarekin, “delikatuak” izan daitezkeen zenbait kolektibo aipatuko ditu: Psikologoak, ETA, Ertzaintza…eta, nola ez, polemikoenak: Irakasleak.
'Ameriketako bidaia' honetan, bi aktore gazteak bi nerabek biziko duten istorioan murgilduko dira adin guztientzat pentsatuta dagoen ikuskizun batean, munduaren zabaltasuna eta herrialde eta hizkuntza ezberdinak ezagutzeko gogoa pizteko. Antzezleak: Miren Arrieta, Nerea Mazo. Egilea: Patxo Telleria. Zuzendaria: Mireia Gabilondo.
Ez da kasualitatea lau bertsolariak eta gai-jartzailea emakumezkoak izatea. Hortik izenburua, oraindik, zoritxarrez, gizonezkoz osaturiko saioak baino ez baitira kasualitatez izaten. 'Ez da kasualitatea': umorea, jolasa, gogoeta, emakumeon arteko konplizitatea, musika eta bertsoa uztartzen dituen saioa. Bertsolariak: Uxue Alberdi, Onintza Enbeitia, Miren Amuriza eta Aroa Arrizubieta. Sarrera doakoa da, baina aldez aurretik izena eman behar da, Covid dela eta.