Larunbata, martxoak 20

09:00

[SORGINEKIN JOLASEAN] Natura ikertu

Gaur egungo osasun-egoerak eragotzi edo zaildu egiten du ekitaldien antolakuntza. Esaterako, Sorgin zapatuak bezalako programa arrakastatsua. Horren ordez, eskulan-saio batzuk izango dira, sormena eta trebetasun artistikoa lantzeko, baina oraingo honetan etxean burutzekoak izango dira, gurasoekin batera, umeek euren gida, laguntza eta aholkularitza izateko. 4-10 urte bitarteko umeentzat da egokia eta, esan bezala, familian elkarrekin egiteko aurreikusita daude. Larunbat bakoitzaren aurreko egunean (ostiralean) bideo bat igoko da udalaren webgunera. Hamar egunez egongo da bertan, astelehenean kendu aurretik. Bitartean, beste jarduera berri bat izango dugu igota, astebetez, eskura izateko.

11:30

'Estibalizko damak'

Ezagutu Euskal Herriko erromanikoaren harribitxia eraiki zuten emakumeak. Prezioa: 6 € pertsonako. Izena emateko: Vitoria-Gasteizko Udala. Turismo-bulegoa. Tel. 945 161 598 turismo@vitoria-gasteiz.org

12:00

'Cranston academy' haurrentzako filma

12:00

[ZAPALDUON MEMORIA] Euskal langile andreak

Euskal langile andreak: Lana, bizi estrategiak eta borrokak XX. mendean zehar, Oiane Valeroren eskutik. Aforoa mugatuta da, aldez aurretik izena eman behar da: www.gasteizkogaztetxea.com

12:00

'Dardara'

Berri Txarrak taldearen inguruko dokumentala.

12:00

Zurgintza tailerra

Sumendin egurra lantzeko tailerra antolatu dute. Egur eta erramintak bertan egongo dira.

12:30

3Dko esperientzia-Gasteiz 1850

Errealitate birtualaren bidez 1850eko hirira atzera egiteko ibilbide gidatua da, Erdi Aroko hiriguneko kaleak zeharkatzen dituena. Bisitan, bada, garai hartako elementu eta eraikuntza nabarmenak ikus daitezke; hala nola, Erdi Aroko hirigunera sartzeko atariak, San Frantziskoren antzinako komentua edota eraikitze-prozesu bete-betean zegoen San Bizente dorrea.   Prezioa: 7 € pertsonako. 12 urtetik beherakoak doan (sarrera erreserbatuta). Heldu bakoitzak (18 urtetik gorakoak), gehienez ere, 2 adingaberekin joan ahal izango du. Harremanetarako: Vitoria-Gasteizko Udala. Turismo-bulegoa.  Tel. 945 161 598 turismo@vitoria-gasteiz.org  

17:00

20:00

[EMAKUMEAK OHOLTZAN] 'Gorria', Daratulu, No name: Tiriti

Martxoaren 8aren harira antolatutako ekitaldia. 'Gorria' ikuskizuna Askoa Etxebarrieta flamenko dantzariaren eta Miren Amuriza bertsolariaren arteko elkarrizketa artistikoa gozatzeko aukera izango da. Halaber, No name: Tiriti taldeak parte hartuko du, eta Daratuluk.

17:30

Txirri, Mirri eta Txiribiton

'Zoro gaitezen' ikuskizuna eskainiko dute pailazoek.

19:20

'Dardara'

Berri Txarrak taldearen inguruko dokumentala.