Igandea, martxoak 14

09:00

[ARABA EUSKARAZ] '10.000 km baietz'

Erronka Zumalakarregi etorbideari nahi beste joan-etorri egitean datza, bertaratutakoen artean 10.000km edo gehiago osatu arte. Ekimen honetan edozeinek har dezake parte; korrikan, oinez, txirrindulaz, patinetan… aldez aurretik izena ematea gomendatzen da, hala ere, egunean bertan ibilbidean kokatuko diren kontrol guneetan ere aukera egongo da apuntatzeko. Aldez aurretik www.arabaeuskaraz.eus web gunean eman beharko da izena eta egunean bertan zehaztutako ibilbidearen muturretan, hau da, anbulatorio inguruan edo Gurutze Gorriaren inguruan kokatuko diren erregistro guneetako batean.

12:30

Txikientzako Gasteiz

Txikientzat diseinatutako ibilaldi entretenigarri eta didaktikoa da, familia-giroan egitekoa, non Erdi Aroko hiriguneko bazter ederrenetariko batzuk ikusiko dituzten. Gainera, green ikuspegian oinarrituriko ibilbidea da, ingurunea zaindu eta babesteko pistak nahiz proposamenak ematen baitira. Gure hiriak izen-abizenak zergatik dituen jakin nahi duzue? Eta green capital (hiriburu berdea) zergatik esaten dioten jakin nahi? Argitu bitxikeria horiek eta beste batzuk, eta bihur zaitezte esploradore hiri jasangarri batean.   Prezioa: 5 eta 11 urte bitartean 4 €. 12 urtetik aurrera 6 €. 5 urtetik beherakoak doan (sarrera erreserbatuta). Adingabeak ezin dira bakarrik joan, 18 urtetik gorako heldu batekin joan beharko dute. Gehienez ere 4 adingabe heldu bakoitzeko. Harremanetarako: Vitoria-Gasteizko Udala. Turismo-bulegoa. Tel. 945 161 598 turismo@vitoria-gasteiz.org  

17:05

'Cranston academy' haurrentzako filma

17:30

Jolasak, 'Abentura oihanean'

Asmatutako oihanean abenturatuko gara, ibilbide desberdinak egingo ditugu eta animalia ezberdinak ezagutuko ditugu. Psikomotrizitate saio dibertigarria adin guztientzat

17:30

'Mendian hil, hirian hil' dokumentala

Estreinaldia. Iñaki Peñak zuzendu eta Arteman Komunikazioak ekoiztutako dokumentala zine aretoetara iritsi da. Iragan abenduan Bilbao Mendi Film Festival-en aurkeztu zen eta euskarazko dokumental onenaren saria eskuratu zuen.

19:00

'Panpina', Kamikaz kolektiboa - Erika Olaizola

Antzezlan honetan gai sakonak topatuko ditu ikusleak, umorea eta performance kutsuko aktore lan isikoaz lagunduta: noiz bilakatzen da norbera panpina eguneroko bizitzan? Zer pasatzen da panpina baten burutik? Noiz behar dugu begiratu gaitzaten, eta zergatik? Emakume oro da panpina? Besteen begiradak egiten gaitu panpina?