Otsaila eta Martxoan zehar, Gasteizko hainbat museotara bisita ezberdinak antolatu ditugu. Bisita hauetako aforoa oso mugatua da, beraz eman izena lehenbailehen: info@geuelkartea.eus Arabako Natur Zientzien Museora izango da bisita.
Jan eta lo, POTOLO! Liburutegian meriendatu dezakegun gauza bakarra ipuinak dira. Nirekin meriendatu nahi? Zatoz ondo pasatzera ipuinak dastatuz. Adina: 4-8 urte.
Badakizu zergatik hitz egiten den ahopeka liburutegietan? Eta gainerako lekuetan ere, badakizu zer esateko hitz egiten dugun ahopeka? Hori da! Sekretuak esateko! Liburutegietan ahopeka hitz egiten da, liburuek gordetzen dituzten sekretuak airean gera ez daitezen. Adina: 5-10 urte.
Egin ote dezake inguruan dugun jende arruntak halako basakeriarik? Zer erakarpen egon liteke horren atzean? Patricia Highsmithen thrillerrek ohi dutenez, hasieratik bertatik eleberriaren egonezin giroak harrapatuko du irakurlea, eta sakontasun psikologikoak lagunduko dio istorio ikaragarri honen bururaino, pertsonaia xelebre bezain ohikoen bitartez. Jarleku kopurua mugatua izango denez, etortzeko asmoa baduzu idatzi lehenbailehen helbide honetara: irakurlekluba@geuelkartea.eus Koordinatzailea: Iban Zaldua. Twitter: @gastIraKluba Email: irakurlekluba@geuelkartea.eus
Olatz Salvador musikari donostiarrak bere azken diska aurkeztuko du: 'Aho uhal'. Prezioa: 8 euro.
Aiaraldeko Berbalagunek diaporama bat antolatu dute. Zazpi hilabetetan zehar hainbat herrialdetan barrena egindako bidaian jasotako esperientziak eta irakaspenak bilduko ditu erakusketak. Izen-ematea: 607 673 744 telefonoan edo aiaraldea@aek.eus helbidean
Eszenatokian, eztarrian ahotsak dituen aktorea. Eszenatokian, azalean pertsonaiak dituen gizakia.Ongi etorriak Gizasaltsa jatetxera! Ostatu honetan edozein aurki dezakezu komunean, sukaldean edo jantokian bere istorioa konpartitzeko prest. Eguneko menuan maitasuna, gosea, erroak eta biziraupena ditugu, guztiak freskoak. Jatetxeko arduradunak bere alegiazko munduan murgilduko du publikoa odolez eta komediaz beteriko gizasaltsan. On egin!ADI: plaza-kopuru mugatua. Aldez aurretik sarrera hartu beharra dago, helbide honetan: https://entradium.com/eu/events/gizasaltsa-aitor-vinagret
JARKI-k Gasteizen antolaturiko hitzaldia, 1976ko Martxoaren 3ko dataren testuinguruan.
[AGORTU DIRA SARRERAK] Bakarkako proiektu honetan Jurgi Ekiza biluztu egiten da, bere irudirik pertsonalena erakusten du. Entzulea musikan murgiltzea du helburu. Kantautore giroko tarte lasaiak eta rock estiloko momentu intentsoagoak uztartzen baditu ere, isiltasunak paper garrantzitsua jokatzen du musikariaren lan honetan.
Euskaraz sortzeak dakarren zailtasunaren eta deserosotasunaren inguruko gogoeta artistikoa. Euskal artea euskaraz zergatik ez? Eta zergatik ez euskararen inguruko euskal artea? Erantzun ezberdinak eman dizkiete galdera horiei hainbat artistek, eta guk horietako hiru ekarri nahi izan ditugu: Gorreri bisuala, Zaloa Ipiña. Hitz birziklatuak, Zirika. Abere ba, palindromo ilustratuen piztegia, Bigara. Arte garaikidearen barruan euskaraz sortzearen inguruko gogoeta ezberdinek –kezkak, jolasak, dibertsioa, sentsazioak, gogoa, e.a.– osatzen dute ur-emari kolektibo hau. Hiru hausnarketa artistiko, euskarazko hiru arte-proposamen, euskararen hiru arte-ur.
Haize Dulantzi Dantza elkarteak bere 30 urte baino gehiagoko ibilbidea ospatu nahi du eta dantza eta euskal kulturaren kontserbazioan eta sustapenean egiten duten lan garrantzitsua azpimarratu nahi du. Inaugurazioa, 18:00etan. Bisita gidatuak taldearekin: 20 minutuko emanaldiak 6 lagunentzat..