Igandea, otsailak 21

11:00

Familian euskaraz jolasean

Aiaraldeko Berbalagunek tailerrak antolatu dituzte Okondon, 'Gurasolagun' programaren barruan. Besteak beste, munduko dantzekin, gorputz perkusioarekin eta itzal txinatarrekin gozateko aukera egongo da. Hiru saio egongo dira: 11:00etan, 12:00etan eta 13:00etan Izen-ematea: 607 673 744 telefonoan.

11:30

'Elfkins', umeentzako filma

 200 urte baino gehiagoz, Elfkinsak lur azpian bizi izan dira, goiko mundutik ezkutatuz eta gizaki "eskergabe eta gaiztoekin" interakzio oro saihestuz. Baina, egun batean, Helvik, Kippek eta Butzek, lurraren azalera igotzea erabakitzen dute. Estreinaldia. 3. zine aretoan.

12:00

[KUNARTE] 'Harri-zopa'

Mundu osoko kondairak eta neska-mutilen ohiturak jasotzen dituen laburmetraia sorta. Nork ez ditu lo hartzeko ardiak zenbatu? Nork ez du jertsea alderantziz jantzi eskolara joan aurretik? Edo nork ez du harri zoparen kondaira ezagutzen? Buhó del Cine-k xarmaz, fantasiaz eta umorez apaindutako bost istorio aurkezten dizkigu; hontza izango da gainera, istorio guztien arteko zubi lana egingo duen pertsonaia. Adina: 2-6 urte.

17:30

[ADURTZATIK MUNDURA] 'Bideak' dokumentala

Adurtzatik mundura, mendia eta abentura uztartzen duen zikloa da. Aritz Ganboak landutako 'Bideak' dokumentala proiektatuko da horretan..

17:30

[LAUDIO TOP ZINEMA] 'Ipuin herrikoi berriak'

Hontz jaunak, bere zuhaitzera igota, 'Ipuin-Herriko Berriak' egunkaria irakurtzen du goizero-goizero. Bertan, Ipuin-Herrin gertatzen diren istorio zoragarriak kontatzen dira. Baina, batez ere, herriko biztanle guztien ezuste, haserre, esperientzia eta emozioen berri ematen du egunkariak. Zikoina andereñoak, Bele jaunak eta gainerako lagunek kuadrilla dibertigarria osatzen dute. Nahiz eta batzuetan iritzi ezberdinak izan, asko zaintzen dute elkar. Publiko guztientzat Prezioa: 3 €  

17:30

'Mahai-jokoen jatetxea', mahai-jokoak

Gure menua jan nahi duzu? Etorri jolastera eta dastatu plater aberats bakoitza. Horietako bakoitza jolas batekin lotuta dago. Adina: 4-8 urte bitarteko umeak. Jarduerak egin baino bi aste lehenago edozein gizarte etxetan, kiroldegitan, herritarrei laguntzeko bulegotan, 010 telefonoan edo Interneten bidez.

19:00

'Mendian hil, hirian hil' dokumentala

'Mendian hil, hirian hil', oroitzapenaren eta itxaropenaren gaineko dokumentala eskainiko da. Dokumentala ikusi ondoren, aukera izango da solasaldia egiteko Iñaki Peña zuzendariarekin, eta Eider Ballina editore eta post-produkzioan parte hartu duen aramaioarrarekin.

19:00

'Suak pizten direnean', Mikel Soto

[SARRERAK AGORTU DIRA] Urtetan editore izan ondoren, 'Suak pizten direnean' poemategia idatzi du Mikel Sotok bere belaunaldi politikoaren kronika poetiko bat eginez, kontzientzia politikoaren iratzartzea, borroka-urteak, atxiloketak, torturak eta kartzela kontatzen dituena, pasioz bezainbateko zintzotasunez, belaunaldi horren borrokak, porrotak zein ametsak erretratatuz. Euskal Herrian hainbat saio egin ditu izen handiko idazle, musikari eta artistekin eta Gasteizen ere eskainiko du errezitaldia, Oihaneder Euskararen Etxean, Pettiren zuzeneko musikak lagunduta.

11:00

20:00

'Hiruerreketa, euskararen arte-urak'

Euskaraz sortzeak dakarren zailtasunaren eta deserosotasunaren inguruko gogoeta artistikoa. Euskal artea euskaraz zergatik ez? Eta zergatik ez euskararen inguruko euskal artea? Erantzun ezberdi­nak eman dizkiete galdera horiei hain­bat artistek, eta guk horietako hiru eka­rri nahi izan ditugu: Gorreri bisuala, Zaloa Ipiña. Hitz birziklatuak, Zirika. Abere ba, palindromo ilustratuen piztegia, Bigara. Arte garaikidearen barruan euskaraz sortzearen inguruko gogoeta ezberdinek –kezkak, jolasak, di­bertsioa, sentsazioak, gogoa, e.a.– osa­tzen dute ur-emari kolektibo hau. Hiru hausnarketa artistiko, euskaraz­ko hiru arte-propo­samen, euskararen hiru arte-ur.

16:00

20:30

'Haize dantza, tradizioak bizirik'

Haize Dulantzi Dantza elkarteak bere 30 urte baino gehiagoko ibilbidea ospatu nahi du eta dantza eta euskal kulturaren kontserbazioan eta sustapenean egiten duten lan garrantzitsua azpimarratu nahi du. Inaugurazioa, 18:00etan. Bisita gidatuak taldearekin: 20 minutuko emanaldiak 6 lagunentzat..