Asteartea, abenduak 8

18:00

Durangoko Azoka: Amorante + Moxal

Durangoko Azokaren 55. urteurrena dela eta Amorante eta Moxal taldeek kontzertua eskainiko dute Jimmy Jazz aretoan. Sarrerak 12€tan erosi daitezke hemen. Ateak 17:30ean irekiko dira eta kontzertuak 18:00etan hasiko dira.

18:00

'Ez, eskerrik asko'

80ko hamarkada hasieran mugimendu antinuklearra puri-purian zegoen nazioartean, eta baita Euskal Herrian ere. Kostaldean eraikitzear ziren hiru zentralez gain (Lemoiz, Ea-Ispaster eta Deba), Arguedasen laugarren bat egiteko asmoa zegoen. Horren aurka protestatzeko, mobilizazioak antolatu ziren Tuteran. Gladys del Estal Ferreño Tuterara joan zen, baina ez zen itzuli. Manifestazio baketsu hartan, Guardia Zibil baten tiroak hil zuen. Film honek, Gladysen gertakariaren harira, garaiko gizartearen onespena lortu zuen mugimendu sozialaren erretratu bat egin nahi du. 66 min irauten ditu filmak, eta ondoren solasaldia egingo da gidoilaria (Sabino Ormazabal) edo zuzendaria (Bertha Gaztelumendi) bertan dela.