Antton Aranburu (Busturia, 1979) Bizkaiko musikaria, antzezlea eta ipuingilea da, egun Gasteizen bizi den arren. Kaos#Kosmos izeneko disko bikoitza aurkeztu zuen 2019an. Disko bakoitza 10 abestiz osatuta dago. Lehenengo diskoan pop-rock estilotik gertu dauden abestiak biltzen dira. Bigarren diskoan, ordea, balada motako abesti lasai eta samurragoak daude. Jarraian, Zoratzen Naiz kantuaren bideoklipa, Gasteizko Zabalgana auzoan grabatua. GONBIDAPENAK Oharra: Gasteizko Udalaren udako kultur programazioaren barruan egingo diren ikuskizun guztiak aire zabalean egingo dira, esparru mugatuetan, edukiera mugatuarekin eta segurtasun protokolo bat errespetatuz. Gonbidapenak ikuskizunaren astean bertan erreserbatu ahal izango dira, astelehenetik aurrera, ekitaldia hasi arte edo lekuak amaitu arte. Pertsona bakoitzak gehienez bi plaza erreserbatu ahal izango ditu, online edo, bestela, telefonoz: 945 16 16 18, 9:00etatik 15:00etara.