Bi neska eta sekretu bat. Beste hirugarren bat ere badago, hilda. Garaiz heltzen ez den pertsonaia bat ere bai. Non ote dago? Zertan ari ote da? Harreman guztiek dute alde ezkutu bat. Misterioa eta umore absurdoari tiraka, taula gainean izango dira Josune Velez de Mendizabal, Ane Gebara eta Jason Guerra aktoreak KiTTorik ez! antzezlana aurkezteko, itxialdiaren ostean lurraldean ikusi ahal izango den lehenetarikoa. Gazte sortzaileak bekaren ekimenez, Ozetako Garaion sorgingunean sortu dute konfinamenduak iraun bitartean, eta bertan aurkeztuko dute lana uztailaren 3an. @kittorikez Instagram kanalean jakinaraziko dituzte ALEA obra ikustera joateko beharrezko argibideak.
Iruña Okako Udalak, Arabako Foru Aldundiko Kultura eta Euskara Sailarekin elkarlanean, Harresian Zulo taldearen musika emanaldia antolatu du uztailaren 4an, 20:00etan Langraizko Plaza Berrian. Kontzertua doakoa da, baina edukiera mugatua izango du. Gonbidapena uztailaren 3ra arte -ostirala- Gizarte eta Kultura Etxean jaso behar da, 10:00etatik 13:00etara.
Eloi Beatoren zuzendaritzapean, David Gutierrez eta Iñigo Salinero aktore gasteiztarrek eta profesional ugarik osatutako Gag Street Boys (GSB) antzerki taldeak bere lehen proiektua aurkeztuko du uztailaren 3an Izarran: Borja Fano antzerkigileak sortutako Yes, we ART! kaleko antzezlana. Yes, we ART! 50 minutuko komedia intimo bat da, testu gutxirekin eta euskaraz. Batez ere antzerki fisikoa baliatzea erabaki dute, umorerako bide gisa.
Eloi Beatoren zuzendaritzapean, David Gutierrez eta Iñigo Salinero aktore gasteiztarrek eta profesional ugarik osatutako Gag Street Boys (GSB) antzerki taldeak bere lehen proiektua aurkeztuko du uztailaren 3an Izarran: Borja Fano antzerkigileak sortutako Yes, we ART! kaleko antzezlana. Yes, we ART! 50 minutuko komedia intimo bat da, testu gutxirekin eta euskaraz. Batez ere antzerki fisikoa baliatzea erabaki dute, umorerako bide gisa.
Uztailaren 4tik irailaren 5era bitartean, egitarau zabala osatu dute Bastidako Kale Antzerkia jaialdiaren 2020ko edizioan, zazpi antzerki konpainiaren eskutik: Uztailaren 4an, 20:30ean: Organik (Ameztu Produkzioak) Uztailaren 11n, 20:30ean: Baldin Bada (Shakti Olaizola) Uztailaren 25ean, 20:30ean: Bestaldean (Zanguango) Abuztuaren 1ean, 23:00ean: Náufragos (Industrial Teatrera) Abuztuaren 22an, 20:30ean: Zirku Kabareta (Malas Compañías) Abuztuaren 29an, 20:30ean: Reziklantes (Turutukupa) Irailaren 5ean, 20:30ean: Txarlestrup (Zirika Zirkus)