Berezia izan da 2020ko Arabako bertso eskolartekoa, beste gauza asko bezala. Baina horrek ez du esan nahi gaztetxoak geldi geratu direnik.Maiatzean Araba osoko 40 ikastetxek eta 700 ikaslek parte hartu ostean, iritsi da finalaren eguna. Arabar Errioxa, Mendialdea, Lautada, Gasteiz, Gorbeialdea eta Aiaraldeko haurren lan aukeratuak sarean daude ikusgai.Horien artean jokatuko da finala: ekainaren 6an, 12:00etatik aurrera, Arabako Bertsozale Elkartearen youtubeko kanalean.
Ekainaren 6an, streaming bidez jarraitu ahal izango da Euskal Herrian Sortua - Made in Basque Country musika jaialdia, 17:00etatik aurrera Jimmy Jazz aretotik zuzen-zuzenean. Lau talde arituko dira oholtza gainean: Arkada Social (Arrasate) Rotten XIII (Tafalla eta Larraga) Brigade Loco (Bergara, Hernani eta Deba) The Guilty Brigade (Iruñea)
Iñaki Palaciosi (Gasteiz, 1988) buruz hitz egitea, gure lurreko musikaz hitz egitea da. Gasteizko txistulari gazteak bi disko argitaratu ditu. Bere azken lana, Harria, poesia, musika eta dantza uztartzen dituen hiru arlotako proiektua da. Iñaki Palacios eta ere bandak kontzertu oso berezia eskainiko dute Vital Fundazioa Kulturunean. Publikoa ez da bertan izango, baina beraiek ekainaren 6an, larunbata, 21:00etan, hemen izango dituzu zain, etxetik mugitu barik euren zuzeneko onenaz goza dezazun. Kulturunea