GEUre Elkarrizketak saio berria hilabete honetan. Pil-pilean dagoen gaiaz arituko dira oraingoan: Gasteizko Jaiak, alegia. Gasteiztarrok hainbeste maitatzen eta disfrutatzen ditugun jaiekin zer geratuko den ez dago argi, eta horren inguruan arituko dira ekainaren lehenengo astean. Jai egunetan protagonista diren hiru eragileri elkarrizketa txikia egingo die GEU Elkarteak bere Instagrameko profilean, 16:30ean. Zuzenean izango dira, eta ikus-entzuleen galderak ongietorriak izango dira: Ekainak 3, asteazkena: Gorka Ortiz de Urbina Vilches, Zeledon. Ekainak 4, osteguna: Jon Ander Resa Amestoy, Gasteizko Txosna Batzordea. Ekainak 5, ostirala: Maite Rey Giraldo, Blusen eta Nesken Elkartea.
Datorren ostegunean, ekainak 4, arratsaldeko 18:00etatik 19:00etara on-line mahai ingurua. Gaia: Aisia, udalekuak, euskara. Galdera abiapuntua: Aurten zer? Gonbidatuak: Iñaki Eizmendi (Ebete). Eñaut Aiartzaguena (Oinherri). Antolatzaileak: Arabako Berritzeguneak (Normalkuntza mintegia). Gasteizko udaleko Euskara Zerbitzua. Arabako Foru Aldundiko Euskararen Foru Zerbitzua. Topaketan izena emateko lotura: labur.eus/2020UDA Mahai-ingurua euskaraz izango da.