6-12 urte bitartekoentzako sukaldaritza tailerra. Prezioa: 10 euro familia bakoitzeko.
Arabako Erakunde Sanitario Integratuarekin elkarlanean, Ume sorosleak ikastaroa antolatu da abenduan Oihaneder Euskararen Etxean. 8 eta 9 urteko haurrei zuzendutako ikastaroa da (LH2-LH4 mailak), eta lehen sorospenei buruzko ezagutzan eta sentsibilizazioan laguntzea du helburu. Doako ikastaroa da, baina izena eman behar da euskara.arabaesi@osakidetza.eus helbidera idatzita edo 945 29 41 56 telefonora deituta (abenduaren 5a bitartean). Aforo mugatua izango da (gehienez, 20 haur).
Hizlaria: Katixa Agirre. Moderatzailea: Gema Lasarte Leonet. Ama izatearen eta aldi berean idaztearen zailtasunen gainean hausnartuko du Katixa Agirrek. Idaztea eta erditzea antonimo izatetik oso hurbil egon ziren XIX. mendearen amaierara arte ia. Alabaina, emakume idazle gutxi egon dira XX. mendera arte, eta are gutxiago aldi berean ama eta idazle izandakoak. XXI. mende betean, ordea, bi termino horiek ez dira guztiz adiskidetu. Nola definitzen da gaur amatasuna? Nola ari gara aldatzen? Nola bateratu ditzakegu bi terminoak?
Nagera 2017an sortutako rock talde gasteiztarra da. Bi urteren ostean, 2019an, 4bat EP grabatu zuten uztailan eta zuzenekoak egiten hasiko dira urte bereko udazkenean. Aitorrek (ahotsa, gitarra), Mikelek (gitarra, koroak), Josuk (baxua) eta Jonjak (bateria) osatuta dago.
Batera diru-laguntzaren bigarren deialdia abian jarri du Oihaneder Euskararen Etxeak. Gasteizko gazteek kultur proiektuak aurkezteko aukera izango dute, eta antolatzaileek Crowdfunding egitasmo bat martxan jartzen laguntzeaz gain, 2.000 euroko ekarpena egingo diete deialdian aukeratutako 3 proiekturi. Proposamenak aurkezteko epea azaroaren 7tik 2020ko urtarrilaren 7ra bitartean egongo da zabalik. Batera deialdiak Laboral Kutxa eta Vital fundazioaren babesa izango du; egiten duten ekarpenari esker, edizio honetan egitasmoak garatzeko aurrekontua bikoiztu egin da (guztira, 6.000 euro).