Osteguna, azaroak 28

10:00

[EKIMENA] Mintzodromoa

Euskaraz, 1+1... 11! jarduera-programaren barruan. Bai Euskarari Elkarteak antolatua.

17:30

[LEHIAKETA] II. Bikoizketa lehiaketa

Euskararen Egunaren bueltan, bikoizketa lehiaketaren bigarren edizioa antolatu dute. Prestatzeko tailerra: azaroak 19 - 18:00etan. Informazio gehiago eta parte hartzeko baldintzak: II. Bikoizketa Lehiaketa

19:00

[IRAKURLE KLUBA] 'Han ez banengo bezala'

Han ez banengo bezala eleberria 1992. urtean girotuta dago, Bosniako gerraren aldirik latzenean, eta gerraren alderdirik izugarrienetako bat erakusten du: emakumeen aurkako bortizkeria. S.-ren ahots indartsuaren oihartzuna ez da aise isilduko irakurlearen buru-zokoan. Suediako erbestetik ari zaigu, gordin baina sotil, apaingarririk batere gabe. Gerrako bere bizipenen kronika egiten du, nola atzeman zuten, nola atxiki zuten esparru batean beste emakume batzuekin batera, nola jasan zituen soldaduen sexu-abusuak… Eta harrigarriena, beharbada, nola ernatu zitzaion bizirik irauteko sena. Esaldi motz eraginkorren bidez, egileak itolarrian darama irakurlea amaieraraino, liburuaren hasierako denborarekin bat egin arte.

19:00

[ASANBLADA] Lautadako Euskararen Komunitatearen 2. Asanblada

2017an bezala, Lautadako kolektibo, lantegi, establezimendu eta herrietako eragileak elkartuko dira.

20:00

[KONTZERTUA] Gari, Libe, Anari eta Jon Basaguren

Izan zaitez neu era akustikoan egingo den elkartasunezko kontzertu bat da. Gari, Libe, Anari eta Jon Basagurenek hartuko dute parte. Musikari bakoitzak aurkeztuko du hurrengoa, honen bertsio bat eginez. Izan zaitez neu Leocadia Zabalate elkartearen proposamenak, garunean burnia pilatzeak sortutako gaixotasun neurodegeneratiboak ikertzeko baliabideak lortzea du helburu. Sarreraren diru-bilketa ENACH elkartearen alde izango da.

[PROPOSAMENA] Batera deialdia

Batera diru-laguntzaren bigarren deialdia abian jarri du Oihaneder Euskararen Etxeak. Gasteizko gazteek kultur proiektuak aurkezteko aukera izango dute, eta antolatzaileek Crowdfunding egitasmo bat martxan jartzen laguntzeaz gain, 2.000 euroko ekarpena egingo diete deialdian aukeratutako 3 proiekturi.  Proposamenak aurkezteko epea azaroaren 7tik 2020ko urtarrilaren 7ra bitartean egongo da zabalik. Batera deialdiak Laboral Kutxa eta Vital fundazioaren babesa izango du; egiten duten ekarpenari esker, edizio honetan egitasmoak garatzeko aurrekontua bikoiztu egin da (guztira, 6.000 euro).