Asteartea, azaroak 26

08:30

[IKASTAROA] 'Euskararen erabileran eragiten'

Ludoteka, Ludoklub eta Gaztelekuetako begiraleei zuzendutako ikastaroa. Añanako errealitate soziolinguistikoan kokatuta, Ludotekatan, Ludoklubetan eta Gaztelekuetan arazoei aurre egiteko eta indarguneak sendotzeko teknikak, estrategiak eta praktikak landuko dituzte.

10:00

[MUSIKA] Elkarrizketa musikatua

Euskaraz, 1+1... 11! jarduera-programaren egitarauaren barruan.

17:30

[EUSKARALDIA] Prestakuntza saioa

Añanako Kuadrillako eta Trebiñuko Euskaraldiaren batzordeentzako prestakuntza saioa.

18:00

[SOLASALDIA] Maider Oleaga

Zineforuma eta solasaldia Maider Oleaga zinema zuzendariarekin, Muga deitzen da pausoa filmaren inguruan.

19:00

[MAHAI INGURUA] Hizkuntza gutxituak: iraun ala bizi

  Egin beharrekoak definitu: hizkuntza gutxituen erronkak zeintzuk diren zehaztu. Garabide elkarteak proposatuta, hizkuntza gutxituen inguruko hainbat mahai-inguru antolatu dira udazkenerako. Ekitaldi hauetan, Euskal Herrian azken 60 urteetan izandako euskararen biziberritze prozesua ezagutzera emango da, eta bestalde, munduko beste jatorrizko hizkuntzek gaur egun bizi duten egoera ere azalaraziko da.

20:30

[KONTZERTUA] Physis Versus Nomos

Physis Beñat Antxustegiren proiektu pertsonala da. Lehen aldiz bandarekin grabatu du diskoa Berako Atala estudioan, analogikoan, Iñigo Irazokirekin. Banda osatu dute Unai Pelax (baxuan), Eneko Sierra (saxoan) eta Xalba Ramirez (baterian). Diskoan dauden kolaborazioak: Petti, Tristan Crowley, Esti eta Maddi (Koban), Miren Narbaiza, Lide Hernando eta Olaia Iantzi.

[PROPOSAMENA] Batera deialdia

Batera diru-laguntzaren bigarren deialdia abian jarri du Oihaneder Euskararen Etxeak. Gasteizko gazteek kultur proiektuak aurkezteko aukera izango dute, eta antolatzaileek Crowdfunding egitasmo bat martxan jartzen laguntzeaz gain, 2.000 euroko ekarpena egingo diete deialdian aukeratutako 3 proiekturi.  Proposamenak aurkezteko epea azaroaren 7tik 2020ko urtarrilaren 7ra bitartean egongo da zabalik. Batera deialdiak Laboral Kutxa eta Vital fundazioaren babesa izango du; egiten duten ekarpenari esker, edizio honetan egitasmoak garatzeko aurrekontua bikoiztu egin da (guztira, 6.000 euro).