Bizipoza, elkarteen elkartea da. 35 elkartek osatzen dute. Horrez gain, hainbat bazkide eta babesle ekonomiko dituzte, baita boluntario sarea ere. Bizipoza eta berau osatzen duten elkarteen berri emateko, Gure bizipoza, guztiona dokumentala ekoitzi dute. Dokumentalean, Bizipoza elkartea zer den erakusten ari dira. 18 minutuko dokumental horrez gain, elkarte bakoitzari buruzko 3 bat minutuko mikro-dokumentalak ere ekoitzi dituzte, eta guztiak ikus-entzungai daude dokuweb batean. Bizipoza webgunean ere daude ikusgai.
Txirritola euskara elkarteak Hitzak mendietan ekimena jarri du martxan. Urrian hasi eta azaroaren 22a bitartean luzatuko da.
Batera diru-laguntzaren bigarren deialdia abian jarri du Oihaneder Euskararen Etxeak. Gasteizko gazteek kultur proiektuak aurkezteko aukera izango dute, eta antolatzaileek Crowdfunding egitasmo bat martxan jartzen laguntzeaz gain, 2.000 euroko ekarpena egingo diete deialdian aukeratutako 3 proiekturi. Proposamenak aurkezteko epea azaroaren 7tik 2020ko urtarrilaren 7ra bitartean egongo da zabalik. Batera deialdiak Laboral Kutxa eta Vital fundazioaren babesa izango du; egiten duten ekarpenari esker, edizio honetan egitasmoak garatzeko aurrekontua bikoiztu egin da (guztira, 6.000 euro).