Osteguna, irailak 26

18:00

[AURKEZPENA] Euskaraldiaren bigarren edizioa

Euskaraldia egitasmoaren bigarren edizioaren aurkezpena, Aiaraldeko eskualde osorako.

19:30

[KONTZERTUA] Aiama eta Aneguria

Eskilarapeko Soinuak formatu txikiko kontzertuen zikloaren barruan, kontzertua eskainiko dute Aiamak eta Aneguriak, udazkeneko lehen saioan.

19:30

[AURKEZPENA] 'Babel'

Babel, Julien Vinsonen hegaldia nobelaren aurkezpen musikatua. Julien Vinsonen hegaldia nobelak badu poesiatik –globo bat hegan poema bisual baten antzekoa da–, badu historiatik eta folkloretik, badu linguistikatik –hizkuntza bat ikasteak bi aldiz bizitzeko aukera eskaintzen du—. Beharbada XIX. mendean horrexegatik izan ziren hain ugariak orduko bascologue edo euskalariak. Simetrietan eta paralelismoetan aurrera, gaiak eta garaiak txirkordatuz, hemen dauzkazu Saturno aerostatoaren gorabeherak eta menturak, oraingoan nobelaren paperetik zeure belarrira xuxurlatuak. Parte-hartzaileak: Patxi Zubizarreta (hitzak), Pello Ramirez (musika) eta Maddi Oihenart (ahotsak).

09:00

23:59

[GAZTE SORTEGIAK] Izen-ematea

Irailetik ekainera bitartean, Gazte sortegiak sormen eskola egingo da Oihaneder Euskararen Etxean, astelehenero. Oihane Pereak, Miren Narbaizak, Edurne Azkaratek eta Hala Bideoko lagunek bertsolaritza, musika, antzerkia eta ikus-entzunezkoen laborategiak landuko dituzte bertan, hurrenez hurren. Izena emateko epea urriaren 16ra arte irekita egongo da. Eskolak 150 €ko prezioa du.