Euskal Herri osoko mintzalagunen jaia da Mintza Eguna. Maiatzaren bukaeran edo ekainaren hasieran izaten da, ikasturteari amaiera atsegina emateko, eta hiru helburu nagusi ditu: Mintzalagunak mugimenduaren kide sentiaraztea, egitasmoa euren herritik harago bizirik dagoela erakutsiz; mintzapraktika mugimenduaren tamaina gizarteari erakustea eta jaiaren antolaketaren baitan herriko mintzalagunak eta gainontzeko euskaltzaleak saretzea. TUtik, GUra, ongi etorri mintzalagunon mundura! da aurtengo jaiaren leloa. Informazio gehiago: Mintzalaguna - Mintza Eguna
Pailazoak, puzgarriak, Herri Kirolak umeentzat eta Euskal Herriko produktuen zozketa goizean zehar.
Munduak biraka segi dezan. Eguzkiak ez ezik, musuek ere biraka jartzen dutelako mundua. Eta musuek biraka jartzen gaituztelako gu. Pirritx, Porrotx eta Marimototsen ikuskizun berria.
Ezkibel elkartearen eta Gizarte Etxeen eskutik.
Lehen euskal zirku ibiltaria, gure artisten topaleku. Magia, akrobaziak, malabareak, pailazoak, musika eta zirkuko diziplina ezberdinez goza daitekeen karpa txiki eta goxoa. Gure artistak gure hizkuntzan mundu guztiari irekia. Bi emanaldi: 17:00 eta 19:30. Kaldearte 2019 jaialdiaren egitarauaren barruan.