Gasteizko lehenengo andereñoari buruzko liburua aurkeztuko du Miel A. Elustondok. Sarrera librea, lekuak bete arte.
Rudi Rosenberg-en filma jatorrizko hizkuntzan eta euskaraz azpititulatua. Benoit hamalau urteko mutikoak landa utzi du Parisera bizitzera joateko. Aurreneko eskola eguna uste baino zailagoa gertatuko zaio eta berehala bakartuta sentituko da. Egun batean, Johanna, suediar ikaskide berria helduko da eskolara eta hura arazorik gabe kuadrilla ezagunenean sartuko da. Benoitek, osabaren aholkuak jarraituz, ikaskide guztiak etxean antolatuko duen festara gonbidatuko ditu. Aukera paregabea izango da bere burua ezagutzera eman eta bide batez, Johannarengana gerturatzeko. Sarrera librea, lekuak bete arte.
2012an sortu zuen Jon Basagurenek Izaki Gardenak, bakarka sortu zituen kantuak talde gisa grabatzeko asmoz. Bost kantuz osaturiko EP bat argitaratu zuten urte hartan eta gerora etorri ziren disko luzeagoak: Amaieratik hasi (Elkar, 2013) eta Aurri gara (Elkar 2015). Geldialdi baten ondoren taldea martxan jarriko da 2019an, disko berri bat besapean dutela gainera Dena oskol. Hain zuzen ere, kantu hauen bertsio soilena eskainiko du Basagurenek kontzertu honetan, ahots eta gitarra hutsez defendatuko baititu lan berriko zortzi abestiak.
Batera deialdia 16-30 urte bitarteko gazte gasteiztarrei zuzenduta dago, eta gazteen proiektu kulturalei bultzada ematea du xede. Urriaren 16tik abenduaren 16ra gazteek proiektuak aurkeztu ahal izango dituzte. Edozein ideiak balio du euskaraz garatzekoa bada, eta kulturarekin zerikusia badu: liburu edo diska bat argitaratu, ekitaldi bat antolatu, APP bat sortu, bideo-jolas bat garatu, antzezlan bat sustatu... Informazio gehiago: https://www.itsulapikoa.eus/eu/deialdiak/batera