Lutxo Egia (Bi-lingual: transitoak), Ainhoa Arbaiza (Agurainen 75 orduz euskaraz) eta Izarne Zelaia (Egian euskaraz bizi nahi dugulako) izango dira hizlari. Bilbo, Donostia eta Aguraingo esperientzien berri emango dute.
Batera deialdia 16-30 urte bitarteko gazte gasteiztarrei zuzenduta dago, eta gazteen proiektu kulturalei bultzada ematea du xede. Urriaren 16tik abenduaren 16ra gazteek proiektuak aurkeztu ahal izango dituzte. Edozein ideiak balio du euskaraz garatzekoa bada, eta kulturarekin zerikusia badu: liburu edo diska bat argitaratu, ekitaldi bat antolatu, APP bat sortu, bideo-jolas bat garatu, antzezlan bat sustatu... Informazio gehiago: https://www.itsulapikoa.eus/eu/deialdiak/batera