Arima Cool Tour-en eskutik. Jorge Oteiza da, zalantzarik gabe, XX. mendeko euskal artistarik esanguratsuenetariko bat. Bere lana ezagutuko dugu, hain famatuak diren Kutxa Hutsen antzeko eskulturak sortuz. Gasteizko Liburutegien egitarauaren barruan. Prezioa: euro bat.
Nerea Ariznabarreta eta Mariano Hurtadoren eskutik, ipuin-kontaketa musikala. Txirula izan nahi zuen kontrabaxua, milaka koloretako eguzki izpi arraroa, ezusteko oparia jaso zuen urtxintxa… eta zuzeneko musika, emozioak ernatu, begirada zabaldu eta aniztasuna laguntzat hartzeko. Gasteizko Liburutegien egitarauaren barruan. Prezioa: euro bat.
Stella (Rebecka Josephson) nerabezaroko mundu lilugarrian sartzen denean, bere ahizpa eta eredu zaion Katja-k (Amy Deasismont) elikadura arazoak ezkutatzen dituela ohartzen da. Pixkanaka gaixotasunak familia bitan banatzen du. Jelosia, amodio eta traizioaz diharduen istorio bat, hamaika urteko neskato baten ikuspuntutik kontatuta, adeitasun, sakontasun eta umorez. Jatorrizko hizkuntzan, euskarazko azpitituluekin.
Batera deialdia 16-30 urte bitarteko gazte gasteiztarrei zuzenduta dago, eta gazteen proiektu kulturalei bultzada ematea du xede. Urriaren 16tik abenduaren 16ra gazteek proiektuak aurkeztu ahal izango dituzte. Edozein ideiak balio du euskaraz garatzekoa bada, eta kulturarekin zerikusia badu: liburu edo diska bat argitaratu, ekitaldi bat antolatu, APP bat sortu, bideo-jolas bat garatu, antzezlan bat sustatu... Informazio gehiago: https://www.itsulapikoa.eus/eu/deialdiak/batera