Ekainak 2

[TAILERRA] Zurrunbilo jaialdia

2017/06/02 10:00

TAE Gasteiz |TAILERRA

Bigarren urtez ospatuko da Zurrunbilo euskal arte eszeniko garaikideen jaialdia. Baratza Aretoak antolatzen du jaialdia, Arte Eszenikoen Tailerraren eta Oihaneder Euskararen Etxearen laguntzarekin.

Ekainaren 2an eta 3an tailer bat egingo dute. Eneritz Artetxeren eskutik bufoiaren munduarekiko hurbilpen bat izango da, "baztertuen larruan jarriko gara momentu batez eta ixkina horrek ematen duen perspektibarekin begiratuko dugu mundua. Bufoiak, gizarte onartu eta ofizialarekiko distantzia batean bizi dira eta izan ere, distantzia horrek ematen die asktasun osoz adierazteko bidea; umorea, amorrua, ironiaeta sarkasmoaren laguntzarekin".

Izena emateko: reservas@salabaratza.com

 

[ARTE ESZENIKOAK] Zurrunbilo jaialdia

2017/06/02 19:00

BARATZA ARETOA | Gasteiz |ANTZERKIA

Bigarren urtez ospatuko da Zurrunbilo euskal arte eszeniko garaikideen jaialdia. Baratza Aretoak antolatzen du jaialdia, Arte Eszenikoen Tailerraren eta Oihaneder Euskararen Etxearen laguntzarekin.

Ekainaren 2an Gasteizko Parasite kolektiboak Jadanik hilda aurkeztuko du, eta Mursegok (Ixiar Rozas eta Miren Arroitajauregi) Plastika aurkeztuko dute.

Sarrerak aldez aurretik 6 euro, eta lehiatilan 8 euro.

[DANTZA] Dantza Plazan

2017/06/02 20:00

Plaza berria Gasteiz |DANTZA

Udal Folklore Akademiak Dantza Plazan programa abiatu du. Jardueraren xedea dantzaren eta musikaren zentzu ludikoa berreskuratzea da, ez jantzi eta ez koreografia bereziren beharrik gabe, hartara herriaren adierazpen folklorikoen jatorrizko espiritua berreskuratzeko.

Herritarrei irekitako ikuskizuna da, euskal dantza tradizionalen ikusle eta, aldi berean, partaide izateko aukera eskaini nahi baitzaie herritarrei. Nagusiki pedagogikoa da Dantza Plazan jarduera, Akademiako dantzako irakasleek aktiboki hartzen baitute parte, koreografien pausuak azalduz.

 

[BERTSO SAIOA] 'Altxa kopla hori'

2017/06/02 20:30

Oiongo plazan Arabako Errioxa Oion |BERTSO SAIOA

Udaberri honetan Altxa kopla hori egitasmoa martxan ipini du Arabako Bertsozale Elkarteak. Bertsolariek kopla doinuetan kantatuko dute. Arabako 28 bertsolarik, 6 gai jartzailek eta tokian tokiko bina musikarik parte hartuko dute. Kopla sortak ekoizteko tailerrak ere antolatuko dira hainbat herritan.

Oiongo saioan Oihane Perea, Ruben Sanchez, Aitor Ugarte, Felipe Zelaieta bertsolariak izango dira eta gai jartzaile lanak egingo ditu Oier Suarezek

[ERAKUSKETA] 'Ikimiliklik'

2017/05/26

Oihaneder Euskararen Etxea | Gasteiz |ERAKUSKETA

kimilikiliklik · JA Artzeren unibertsoa  bideo-instalazioa ikusgai egongo da maiatzaren 26tik uztailaren 2ra Oihaneder Euskararen Etxeko ur biltegian. Ikimilikiliklik · JA Artzeren unibertsoa ikus-entzunezko sorkuntza bat da,  azken hamarkadetako euskal sortzaile original eta garrantzitsuenetako bat ezagutzeko helburuz sortutako erakusketa. Ikusleek irudi, musika eta soinu mundu batean murgilduta, haren obra ezagutzeko aukera izango dute.

Joxe Antonio Artze Agirre -Joxan Artze- (Usurbil, 1939) idazle eta musikariak 40 urte baino gehiagotan garatutako lan poetikoan zehar egindako bidaia da  Ikimilikiliklik  bideo-instalazioa.

JA Artze oso ezaguna da herritarren artean Mikel Laboaren abesti ikonikoen letren egilea izateagatik, esaterako,  Txoria txori, Gure Bazterrak edo  Zaude lasai; baita bere anaia Jexuxekin txalapartari gisa aritzeagatik ere. Baina Artzek obra sakona eta gutxi ezagutzen dena ezkutatzen du, artearen hainbat esparrutan garatu duena: poema-liburuak, audio-grabazioak eta ikuskizun eszenikoak. Horien isla izan nahi du bideo-instalazio honek.