alea.eus

Euskara eskoletan izena emateko epea ireki dute

Estitxu Ugarte 2016-09-17 12:00   Euskara  Trebiñu

AEKren helduentzako eskoletan izena emateko epea irailaren 23a arte izango da; Trebiñuko Konderriko udaletxean eta Argantzungo udaletxean informazioa jaso eta izena eman daiteke.

Trebiñuko Konderriko Udalak helduen euskara ikastaroak diruz laguntzeko ordenantza abian du, eta horrenbestez langabeei matrikularen %75 eta gainontzekoei %30 ordainduko die.  Bestalde, Arabako Aldundiak ere diru laguntzak eskainiko ditu.

Ikasturteari urrian emango diote hasiera eta, aurten, euskara eskolez gain zenbait programa osagarri abian jarriko dituzte Saretzen izeneko plataformaren baitan; gurasoentzako ikastaroa, mintzalaguna, irteerak eta bestelakoak izango dira.  

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa