Orain dela sei urte hasi ziren garai honetan festa antolatzen. Ospatzeko beharra ikusi zuten, "alde batetik, ikasturteari amaiera emateko, eta aldi berean herrian presentzia izateko eta ikastolaren lana ezagutarazteko", azaldu Saioa Urizar ikastolako zuzendariak.
Halaber, egoera ekonomiko larrian dagoen ikastola da Argantzungoa, "eta diru pixka bat lortzeko" baliatuko dute jaia. Hori guztia kontuan izanda, parte hartzeko deia egin dute. Dagoeneko Gasteizen eta Trebiñu osoan kartelak jartzen ari dira jaia iragartzeko.
Aurten ekitaldi guztiak larunbatean bildu dituzte, ekainaren 4an. Umeak eta euren gurasoak izango dira jaiaren protagonista nagusiak, eta haiei zuzendurik daude ekitaldi gehienak. Umeentzako tailerrak egingo dituzte goizean, eta arratsaldean haientzat ikuskizuna egingo dute zientzia dibertigarriaren ikuspuntutik. Bestalde, goizean ohiko artisau azokarekin batera bigarren eskuko azoka antolatu dute eta gurasoak arduratuko dira azoka hornitzen.
Urtero legez, herri bazkaria egingo dute, eta aurreko urteetan bildu dituzten 140 lagunen markari eustea espero dute antolatzaileek. Iaz bezala, Amarauna musika taldeak itxiko du Argantzon ikastolaren jaia.
EGITARAUA
GOIZEAN
11:00 Bigarren eskuko azoka eta artisau azoka.
11:00 Puzgarria eta umeentzako tailerra.
12:30 Algara dantza taldearen ikuskizuna.
14:30 Bazkaria. (Tiketak salgai Ansotegin eta Ikastolan bertan)
ARRATSALDEAN
17:00 Puzgarria.
17:30 'Naufragoa' umeentzako ikuskizuna.
18:30 Txokolatada.
18:30 Amarauna taldearen kontzertua.