Lagrango alkate Jose Mari Martinezek gertutik ezagutu zuen esandako ogibidea, gurasoek horretan jardun zuten eta. Bera ere zeregin horretan ibili zen: "Nik lagundu egiten nuen; hamar bat urte bete nituen arte egin zen egur-ikatza etxean". Aita ikazkina zen, eta ama, txondorretatik lortutako egur-ikatza Arabako Errioxatik eta Nafarroatik saltzeaz arduratzen zen. Jose Mari jaio aurretik astean bi bider joaten zen azken hori Guardiara, Toro mendatea zeharkatuz. Vianara ere askotan jaisten zen, egurra eta ikatza eramatera.
Gogoratu du Lagranen eta inguruko herrietan zaila zela nekazaritzaz bizitzea, lur gutxi zegoelako eta, hortaz, gehienek egur-ikatza egiten zutela. "Ekonomikoki hobeto zeuden familiek gutxiago, eta xumeenek, berriz, gehiago. Azken horietakoak ginen gu", esan du.
Irakurri osoa ALEA aldizkariaren 86. zenbakian. Etxean jasotzeko, harpidetu hemen.
