Izki parke naturalaren erdian dago San Ildenfonsoko eta Gustaldapako lantegia. XIX. mendean hasi zen bertan asfaltoen lantegiko jarduera; hain zuzen, 1.858. urtetik 1.913ra bitartean egon zen martxan. 55 urte horietan, Espainiako estatuko asfalto-ustiategi handiena izan zen, meategi-eraikinez eta ogiaren eta asfaltozko harlauzen lantegiez osatuta: zortzi eraikin ditu. XIX. mendeko industria-ondarea lehengoratzea du helburu proiektu horrek.
Hain justu ere, honako ekintzak egingo dituzte gazteek, arkeologo baten gidaritzapean: indusketa arkeologikoa hiru gela handitan (30 metro koadro ingurukoa da bakoitza) hondakinak kentzeko; aurkitutako egiturak sendotzea, zaharberritzeko teknikak erabiliz; lurzoruak estaltzea, kontserbatu ahal izateko; eta seinaleak jartzea. Azken horren bueltan, kartela jarriko da eraikinaren sarreran, eta bisitan zehar zehaztapenak, azalpenak emanez.
Txandak
Bi txanda antolatu dituzte: uztailaren 4tik 18ra bitartean, lehena, eta uztailaren 18tik abuztuaren 1era, bigarrena. Lau plaza eskaintzen dituzte txanda bakoitzean. Horren gaineko informazio gehiago nahi dutenek gazteria-auzolandegiak@euskadi.eus helbide elektronikora idatzi dezakete, edo 945 01 95 01 edo 945 01 95 36 telefono zenbakietara deitu.