Batzar Nagusietako talde politiko guztiek Agurain eta Dulantzi bisitatu zituzten atzo eta bertatik pasatzen den Zadorra ibaiaren uraren egoera txarra zuzenean ikusteko aukera izan zuten, hainbatetan, Zadorra Bizirik plataformak salatu duen moduan. Besteak beste, Irabazi taldeko Jose Damian Garciak eta EH Bilduko Kike Fernandez de Pinedok twitterren jarri zituzten zenbait argazkiren bidez, ibaiaren egoera txarra dela kritikatu zuten.
Era berean, Aguraingo eta Dulantziko araztegien egoeraren ondorioz, gorotz-urak ez dira ondo garbitzen eta hortaz, zikintasuna zuzenean jaurtitzen da ibaira. Hala ere, edaten dugun uraren kalitatea ona dela diote analisiek.