Arabako Foru Aldundiak 183.000 euro inbertituko ditu A-2128 errepideko mendi-magala tinkatzen eta egonkortzen Zehazki, Opakuako lepora igotzen den errepidean 30,7 kilometro puntuaren parean kokatzen da magala eta duela urtebeteko elur, izotz eta euri denboralearen ondorioz urratu zen.
Diputatuen Kontseiluak gaur esleitu du proiektu hori, presako prozeduraren
bidez lizitatu ondoren, ahalik eta lasterren gauzatzearren eta errepide horren segurtasuna hobetzearren. Lanei maiatzean emango zaie hasiera eta aurreikusi da udarako amaitzea.
Denboralea 2015eko otsaileko lehenbiziko bi asteetan gertatu zen, eta mendi-magal ugari urratu ziren haren ondorioz errepideen foru sarean. Opakuako lepora igotzen den A-2128 errepidea izan zen denboraleak gehien erasan zuen bideetako bat.