alea.eus

Atenaseko heroiak

Erabiltzailearen aurpegia Iñaki Lazkano 2016-04-26 09:00   Iñaki Lazkano

"Gerraren iheslariak zirelakoan Foronda aireportura hurbildu nintzen"

 

Azken orduetan entzundakoa egia bada, zorionekoa neu, tradizioari kasu egin behar bazaio, patu hobeko geu, eta pregoilarien hitzak jaia blaitzeko badira, zorte ederreko haiek.

"…edozein egin daiteke Arabako, edonongo. Denok gara leku guztiko eta talde bezala antolatzeko gaitasuna dugu une oro..". "…Berdin dio nondik etorria, nongo izan…", Juan Ignacio Lasagabasterrek dixit. Espero dut berak, eta guk geuk ere, gure arabartasuna eraiki dugun moduan, besteei, kolore ezberdinekoei, pateran iritsitakoei eta mugetan zain ditugunei ere gisa berean arabar "egiten" uztea.

Guretzat balio izan badu, zergatik ez bestearentzat?

San Prudentzio bera ere bueltaka ibili zen hara eta hona; ihesi batzuetan, errezatzeko leku berrien bila sarri; eta azkenean bere herrialdeko, Arabako, patroi nagusi izendatu zuten gure arbasoek.

Atenaseko heroiak gerrei iskin egiten dabiltzan iheslariak zirelakoan Forondako aireportura hurbildu nintzen Ongi Etorri beroa egitera. Baina zoritxarrekoa neu, ez elkartasun oihurik ez iheslaririk; soilik mutil kankailu kuadrilla eta saski-baloi zaleen garrasi ozenak.

Ate joka ditugu iheslariak, ez dezagun beste alde batera begira; gonbida ditzagun mahaira, eta eskain diezaizkiegun barraskiloak eta perretxikoak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa