Araba: Berdinketen lurraldean EAJk irabazi du

Erabiltzailearen aurpegia Iñaki Larrañaga 2016-09-26 15:23   Iritzia

Araba: Berdinketen lurraldean EAJk irabazi du

Irailaren 25eko emaitzak barruti bakarrean zenbatuko balira parlamentari bakarra aldatuko zatekeela. PPk bat gutxiago luke, EAJk bat gehiago. Hor hasi eta bukatzen da Arabaren gainordezkaritzaren efektu praktikoa.

Belar txarrak

Erabiltzailearen aurpegia Iñaki Larrañaga 2016-07-27 17:41   Iritzia

Belar txarrak

"Ondorioztatu dute mesedegarriagoa dela naturari bidea egiten uztea".

Primeran

Erabiltzailearen aurpegia Iñaki Larrañaga 2016-06-02 16:24   Iñaki Larrañaga

Primeran

"Kaikuenak ere badaki futbola gizartean eragiteko tresna aparta dela"

Natural itxurak

Erabiltzailearen aurpegia Iñaki Larrañaga 2016-04-15 11:49   Iritzia

"Ez baitago naturaltasunarena baino postureo handiagorik"

Polemika polemikoak

Erabiltzailearen aurpegia Iñaki Larrañaga 2016-02-12 18:09   Iritzia

Polemika polemikoak

Ikasi bozkatzen

Erabiltzailearen aurpegia Iñaki Larrañaga 2015-12-10 01:00   Iritzia

Albiste ona. Galdeketak antolatuko ditu Gasteizko Udalak, herritarren iritzia jaso eta horren araberako erabakiak hartzeko. Araudi zirriborro baten gainean lan egiten ari dira udal taldeak, Donostiakoa aintzat hartuta. Elkarteen parte hartzean sakondu baino lehen, eta behin betiko araudi gabe, galdegai bila presaka hasi dira zinegotzi batzuk.

Alderantziz

Erabiltzailearen aurpegia Iñaki Larrañaga 2015-10-30 01:00   Iritzia

Euskarari buruz erderaz egitea litzateke ideala, eremu publikoan. Araba Euskaraz espainolez idatzi, eta Mintzalagunaz irratian beste hainbestean. Bestela ez ote garen gehiengo baten aurrean interferentzia diskretu soil bat. Minorizatuei utzi behar zaien esparru onargarri bat. Itxurazko sentiberatasunez baimendutako txoko hertsi autoerreferentzial bat. Eta, oro bat, interesik gabekoa euskal komunitatetik kanpo. Iritzi hau, jakina, ezin da beste baldintza batetik askatu, ez bada harakiri bihurtu nahi.

Erdizka

Erabiltzailearen aurpegia Iñaki Larrañaga 2015-09-18 02:00   Iritzia

Bada Armentiako basoa azpitik zulatzen duen lau erreieko tunel bat. Pintaketez betea, fokurik gabea. Lurrezko horma batera darama errepide horrek. Inora ez, eta auto lasterketa ilegaletarako erabiltzen dute kilometro erdiko bide zuzena. Udalak orain tunela rokodromo bihurtu nahi du.

Granada

Erabiltzailearen aurpegia Iñaki Larrañaga 2015-07-10 02:00   Iritzia

79 urtez desagertuta egon da, baina inork ez du Valero zaharraren hutsunea sentitu. Uztailaren 4an aurkitu dute, kasualitatez, igerian ari zirela. Zadorra ibaian azaldu da, Gamarra herriko zubitik hurbil. Uretatik atera du herritar batek –kontu handiarekin ziur aski– eta Agirrelandako komisariara eraman du arriskua. Udaltzainek ez dute hilotz herdoildua ukitu ere egin nahi izan. Hala ba, Ertzaintzak lehertarazi du 1936ko gerran galdutako Valero mortero granada.

2019an hitz egingo dugu

Erabiltzailearen aurpegia Iñaki Larrañaga 2015-05-28 02:00   Iritzia

Iñaki Larrañaga

 

Hamarretik zortzik ez dio botoa Marotori eman. Bazter guztietan "peperoak" ikusteko paranoian ez jauzteko kontuan hartu beharreko datua da. Gehiengoa dira hauteskunde emaitzak ikustean hasperen egin eta auzolotsa sentitu dutenak. Kontsolamendu tristea. Triste xamarra den bezala Podemos-Ahal Duguri gertatutakoa. Emaitza ikusgarriak izan ditu Biltzar Nagusietan, nola ez ba. Gasteizko Udalean, aldiz, bidean galdu zaizkio 8.000 boto.

Politika dosia

Erabiltzailearen aurpegia Iñaki Larrañaga 2015-05-15 02:00   Iritzia

Iñaki Larrañaga

 

Batzuetan antzeko gauzak dira hauteskundeak eta jaunartzeak. Sinesgabeak diren arren, erritua betetzen dute. “Politikaren krisiak indibidualismoa indartzen du. Nahiago dut jendea  politikan aritzea, ezkerrarekin egon ez arren. Politikaren aurkakoa faxismoa da. Nahiago dut politika kontserbadorea, baina politika”. Pepe Mugica uruguaiarrarenak dira hitzak.

Gora txertoak

Erabiltzailearen aurpegia Iñaki Larrañaga 2015-04-17 02:00   Iritzia

Iñaki Larrañaga

Jaio. Ekin. Hil. Bihar amaituko du Gora Gasteiz-ek 2014ko azaroan hasitako jarduna. Gogoratu. Alkatea hauspotuta zebilen, han eta hemen “kaleak diona” bereganatzen. Tabua zen diskurtsoari hegoak eman zizkion. Nork ez du ordutik lantokian, tabernan edo lagunartean argudio parekorik entzun? Nola aurre egin hainbat jatorritako gasteiztarren arteko elkarbizitza pozoitzeari?

 

Arrazoiaren jabe izatea ez da irabazteko bermea. Marotori ezin zitzaion iraina, burla eta boikota bakarrik egin, ezta ere iskanbila baretzeko (“Marotori kanpaina egiteko”) gaia alboratu. Handiegia zen elur bola. Diskurtso alternatiboa eraikitzea premiazkoa izan da, esparru mediatikoan barne, isiltasunaren espirala eragozteko. Gora Gasteizek berak eta ildo beretik jo dutenek hiru helburu lortu dituzte gutxienez.

 

Bata, hiri solidarioa ikustaraztea (adibidez, Irantzu Lekueren #6000zpt artelanarekin). Bigarrena, Maroto eta enparauen kanpaina biluztu eta oposizioa argudioz hornitzea. Hirugarrena, gizarte aurrerakoia eredu dutenen sarea ehuntzea. Beste modu batera esanda, arrazismoaren kontrako txertoak sustatu dituzte eta eritasuna zabaltzeko baldintzak murriztu. Egitasmoaren lorpenez jakin nahi nuke beste zerbait: ea zenbateraino balio izan duen jomugan izandako komunitate magrebtarrarekin harremanak estutzeko. Aniztasuna hitzetatik ekintzetara daramatenak ez daitezen soilik Alde Zaharreko Ramon Bajo eskolan-eta elkartu.

 

 

 

Hauteskunde sorpresak

Erabiltzailearen aurpegia Iñaki Larrañaga 2015-02-23 01:00   Iritzia

Iñaki Larrañaga

 

Maite Berrocal PSEko alkategaiaren uko egitea bozen atariko sorpresa izan da. Harakiri perfektua. Alderdiaren miseriak agerian utzi ditu. Disimulatzeko indarrik ere ez dute izan.

Segurtasunaz eta beldurraz

Erabiltzailearen aurpegia Iñaki Larrañaga 2014-11-20 01:00   Iritzia

Iñaki Larrañaga

 

Lehenbizi gaixotu egiten zaituzte, eta, ondoren, edabea saldu. Publizitatearen gakoa da, beharrak sortu eta erremedioa saldu. Beldur handia ematen dit horrek, tranpan erortzeak. Zehatzago, beldurra kutsatzea helburu daukaten enpresen sareetan kateatzeak. Horixe bera gertatu da nere etxebizitza eraikinean, alarma saltzaile batzuekin.

Arabako esentzien zaindariak

Erabiltzailearen aurpegia Iñaki Larrañaga 2014-10-07 02:00   Iritzia

Iñaki Larrañaga

 

Alavesismo ugerrak bigarren gaztaro bat duela esanez hasi nahi nuen testua. Egokiagoa iruditu zait segidan hamaikagarren zahartzaroa bizi duela idaztea. Horrela baita irakurle, arabar probintzialista, tradizionalista eta kontserbadorea berpiztu da -akaso berpiztu baino berrindartu esan behar nuke- . Ohiko tankera grisaren aldean, tarteka beste itxura bat hartu du: doitasunez bizarra moztutakoa, kopeta-ile zaindua, eta kolonia garestiz blaitua. Honezkero baduzu halakoren bat zeure garunean bueltaka, ala?