Garoñaren aurkako foroak deituta, zenbait lagun elkartu dira gaur Eusko Legebiltzarrean Garoñaren behin betiko itxiera eskatzeko. Izan ere, azken egunotan zentral nuklearra berriro ere zabaltzeko mehatxua agertu da. CSN Espainiako Segurtasun Nuklearreko Kontseiluko osoko bilkura Nuclenor zentralaren jabearen eskariari buruzko txostena aztertzen hasi da. 2031. urtera arteko ustiapen baimena eskatua du Endesak eta Iberdrolak osatzen duten enpresak, eta baliteke Garoña berriz martxan jartzeko baimena ematea, beti ere, hainbat baldintza jarriz.