alea.eus

Euskaraz bizitzeko gomendioak 2/8

Erabiltzailearen aurpegia 75 ordu euskaraz Agurainen 2016-10-12 07:59   Euskara

Euskaraz hitz egiteko gai ez diren askok ulertzen dute eta gozatuko dute zuk euskaraz egiten badiezu, adostu haiekin zuk euskaraz egitea nahiago duzula, bilatu konplize bat eta azaldu zure preferentziak.

• Berak erdaraz eta zuk euskaraz, zergatik ez? Ez da zaila, ohitura kontua baizik. Euskaraz edonon eta edonorekin egitea naturaltasun osoz hartzea komeni da; baita euskara hitz egiten ez dutenekin ere. Poliki hitz egin, hiztegi erraza erabili, keinu batzuk erabili… ulertuko dute. Euskaraz hitz egiteko gai ez diren askok ulertzen dute eta gozatuko dute zuk euskaraz egiten badiezu.

Orain arte erdaraz egin duzun batzuekin adostu, haiekin zuk euskaraz egitea nahiago duzula. Badakizu zerbait ulertzen dutela (euskaltegian ibilitakoak dira, seme-alabek D ereduan ikasten dute… ) Proposatu: “¿Qué te parece si a partir de hoy te hablo en euskara? ¿Tú entiendes un poco? Nik poliki hitz egingo dut... Bai? Probatuko dugu?”

Denda, taberna batean edo ezezagunekin, ulertu ez duela esaten badizu, saiatu keinuen bidez, saiatu eusten. Esaiozu erdaraz ea moldatuko zareten keinuka eta euskaraz; zuk euskaraz nahiago duzula. Bilatu konplize bat eta azaldu zure preferentziak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa