alea.eus

Legutioko N240 errepidea hobetzeko adostutakoa ez duela bete leporatu dio EH Bilduk Diputazioari

Mirian Biteri 2017-01-30 13:53   Gizartea  Gorbeialdea  Legutio

Mozioa aurkeztu du Batzar Nagusietan datozen sei hilabeteotan plan bat aurkezteko eta ordutegi zehatzean ibilgailu astunak debekatzeko.

 

Legutioko N240 errepidea hobetzeko adostutakoa ez duela bete leporatu dio EH Bilduk Diputazioari
Legutioko sarrera. / M. Biteri | Ikusi handiago | Argazki originala

Legutioko N240 errepidean dauden arazoak konpontzeko iazko martxoan onartutako mozioaren betetze maila "guztiz etsigarritzat" jo du EH Bilduk. "Batetik, Diputatua ez zen gauza izan irmotasunez adierazteko Foru Gobernuak lurraldeko errepide egitasmo berritik ezabatuko duela Legutio udalerrian autobide-saihesbide berria egiteko edozein proiektu. Bestetik, Zabalain auzoko sarreran neurri aringarri multzo hutsa jarri dutelako, konponbide osoa eman beharrean. Azkenik, ekintza plan bat egin beharrean, hainbat hipotesi zerrendatu baino ez du egin eta ez da ausartu ezta bere proposamena zen den argitzen ere”, azpimarratu du EH Bilduko batzarkide Iñaki Ullibarrik.

Hori kontuan izanda, EH Bilduk mozio berria aurkeztu du eztabaidatzeko. Bertan, eskatzen dio Foru Gobernuari behin betiko baztertu dezala Legutio udalerrian zehar autobide-saihesbide berri bat egiteko proiektua. Horrez gain, ekainaren 30a baino lehen Zabalain auzorako ekintza plan bat aurkeztu desala exijitu dio.

Azkenik, eskatzen zaio N240 errepidean Bizkaiko mugatik Zabalain auzoraino doan tartean, II. motako ibilgailu astunen trafikoa 07:00etatik 09:00ak arte eta 15:00etatik 19:00ak arte debekatzeko prozedura martxan jar dezala, txosten teknikoan jasota dagoen bezala.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa