alea.eus

Gorbeialdeak aho batez onartu ditu aurrekontuak

Erredakzioa 2017-01-26 10:31   Ekonomia  Gorbeialdea

EH Bildu, EAJ eta Independienteen babesa izan du 1.136.774 euroko aurrekontuak.

Gorbeialdeko Kuadrillako batzordeak 2017rako aurrekontuak onartu ditu. Aho batez atera ziren aurrera, hau da, EH Bildu, EAJ eta Independienteen babesarekin. Guztira, 1.136.774,02 euro izango ditu Gorbeialdeko Kuadrillak 2017an.

Iazko aurrekontuekin alderatuta, berrikuntzen artean berdintasun teknikari baten kontratazioa aurkitzen da. Arabako Batzar Nagusietan EAJ eta EH Bildu alderdiek lortutako akordioari esker, kontratazio hau posiblea izango da. Teknikariarekin batera, beste 12.000 euro aurreikusi dira udalerriek sentsibilizazio jarduerak eta beste motako tresnak finantzatzeko. Berdintasun teknikariekin batera, euskara eta ingurumen teknikariek jarraituko dute.

Era berean, eskualdeko turismoa sustatzeko, ekonomia berpizteko eta kultura bultzatzeko lanean jarraituko du Gorbeialdeko Kuadrillak. Azkenik, euskara jarduerak finantzatzeko aurrekontua handitu da eta 15.000 eurokoa izango da aurten.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa