Gorbeialdeko Kuadrillak orain arte hornidura elektrikorako Iberdrolarekin sinatuta zuen kontratua bertan behera utzi du. "Aldaketa horren helburu nagusia eredu berde eta jasangarriruntz aurrera pausuak ematea da, beti ere, etorkizunari begira energia burujabetza helburua izanda", adierazi du EH Bilduk ohar baten bidez. Gorbeialdeakoa ez da energia berriztagarrien aldeko apustua egiten duen Arabako lehen udalerria, Zalduondoko udalerriak martxoan egin zuen eta beste hainbat udalerrietan tramiteak hasita dituzte.
"Arabak zentral nuklearrik gabe bizi nahi duela argi utzi du eta beste eredu energetikoa posiblea dela pentsatzen dugunok konpromisoak hartu behar ditugu. Horregatik, Iberdrola eta Endesarekin apurtu eta energia berriztagarriak erabiltzen dituzten enpresak eta herri kooperatibekin kontratuak sinatzea defendatu dugu", azaldu du Ekaitz Diaz de Garaiok, Gorbeialdeko Kuadrillako presidenteak.