Arrakastatsua izan da 12 eta 16 urte bitarteko gazteei zuzendutako ginkana, Gorbeialdea osoko 167 lagunek eman zutelako izena; denera, 80 talde.
Urtarrilaren 11tik martxoaren 7ra bitartean, Internet bidezko bost proba egin behar izan dituzte astero nerabeek. Interneten dauden euskarazko jolas eta aplikazioak ezagutzea zen horren helburua.
Esan bezala, Murgiako institutuko talde batek irabazi du lehia; 600 euroko bonu saria jasoko du Bai Ziurtagiria duten komertzioetan erabiltzeko. Horrez gain, parte-hartzaile guztien artean puntako teknologiako inpresora zozketatuko dute bihar, 14:00etan, egingo duten ekitaldian.