Zertarako ez du balio izan Green Capital izateak?

hirinet 2013-01-28 13:30   Gizartea

greencapital1Turisten etorrera %8,1 moteldu da 2012 urtean. Langabeziak gora darrai etengabe Gasteizen, eta Araban %18,3an da, iaz halako bi. Green Capital izendapenak saldu zenaren aldean eragin urria izan du herritarren ongizatean.

Emeki proiektua:"Gurasook askotan umeen sexualitateaz kezkatzen gara, eta agian zentzudunagoa litzateke geureaz arduratzea"

hirinet 2013-01-28 10:36   Gizartea

emeki1Basotxo elkarteak, Emeki proiektuaren eskutik, proposamen bikoitza dakar otsailean. Batetik, ‘Umeen sexualitatetik geure sexualitatera’ ikastaroa, otsailaren 3an, eta bestetik, ‘Samurtasun Tailerra  Zure sexualitatera hurbilpena’, otsailaren 16an eta 17an.  Gasteiztik oso gertu (Monasterioguren) izango da, euskaraz eta gaian adituak diren Aingeru Mayor eta Olatz Marcos sexologoekin. Bi ekintza hauetan jorratuko diren gaiei hurbilpena egin nahian, Emeki proiektua osatzen duen bikote honekin solas egin du Hirinetek.

Mendialdea eta Añana, euskara teknikaririk gabe

hirinet 2013-01-25 14:56   Gizartea aldundiaArabako Foru Aldundiak 2013ko aurrekontu proiektuan euskara sustatzera bideratutako egitasmotan murrizketa handiak egin eta 2012ko aurrekontuetan kuadrilletako euskara teknikarientzako 233.000 euroak kendu zituen. Gauzak horrela, kuadrillek ez dute jaso euskarazko teknikariak mantentzeko diru saila eskatzeko deialdia eta horren eraginez, Añanako eta Mendialdeko kuadrillek euskara teknikariak kendu dituzte. Aguraingo, Zuiako, Arabar Errioxako eta Aiarako kuadrillek, aldiz, teknikariak mantenduko dituzte, lanpostu horren gastua bere gain hartuz. Dena den, Arabako Aldundiari eskatu diote zerbitzuari eusteko.

Bizikletaren erabilerak indarra hartu du Gasteizen

hirinet 2013-01-25 13:39   Gizartea

BizikletakAraban bizikletaren erabilerak gora egin duela begi-bistakoa da eta Eusko Jaurlaritzako Garraio Sailak 2012an egindako azterketan jasotako datuek ere horrela adierazten dute. Oro har, Euskal Autonomia Erkidegoan oinez eta bizikletaz egindako joan-etorrien hazkundea nabarmendu da. Izan ere, herritarren joan-etorrien hazkundearen zati handi bat jasangarritasunaren aldeko mugikortasun-moduei dagokie, oinez edota bizikletaz egindako joan-etorriei, alegia.

Aurrekontu akordioa Gasteizko Udalean

hirinet 2013-01-23 18:16   Gizartea maroto_urtaranPPk eta EAJk akordio bat lortu zuten atzo eta azkenean aurtengo aurrekontua adostu dute. Javier Maroto alkateak eta Gorka Urtaran bozeramaile jeltzaleak prentsaurrekoan adierazi bezala,  2013ko udal aurrekontua 342 milioi ingurukoa izango da, iaz baino 40 milioi gutxiago. Horrez gain, Urtaranek azaldu duen moduan, “ez da aurrekonturik onena baina ez du zorrik sortuko eta hortaz, aurrekontuen egonkortasuna bermatu egingo da aurten”.

Araban ere txotx!

hirinet 2013-01-15 13:46   Gizartea

txotxUrtearen hasierarekin, sagardotegiak txotx garaiari hasiera ematen hasi dira poliki-poliki. Gipuzkoakoak dira tradizioz edari fresko hau dastatzeko milaka pertsona erakartzen dituztenak. Baina Araban ere bertako sagarrez egindako sagardoaz gozatzeko parada dugu aspaldi. Izan ere, aurtengo uzta oparoa izan da eta komertzializatzeko zein etxean kontsumitzeko, 80.000-100.000 litro inguru ekoiztu dira probintzia osoan. Hori dela eta, Arabako sagardogileek urtarrilaren 17an, ostegunean, Arabako Sagardo Berriaren Eguna ospatuko dute Aramaioko Iturrieta Sagardotegian. Gose musika taldeak kupelak zabaldu eta lehen txotxa egingo du. Honetaz guztiaz mintzatzeko, Juanjo Peciña Arabako Sagar eta sagardorgileen elkarteko kidea eta Aramaioko Iturrieta Sagardotegiko arduraduna izan dugu solaskide.

“Milaka kilometrotara urrunduta egon arren, berotasuna gure senideengana iristea lortzen dugu”

hirinet 2013-01-10 10:14   Gizartea

aracelilopezelkarrizketaHerrira mugimenduak urtarrilaren 12rako antolatu duen Herri Mobilizazio Orokorraren atarian, preso dagoen Unai Lopez de Ocarizen ama den Araceli Lopezekin hitz egin du Hirinet-et.

Hamabost urtez munduan barrena

hirinet 2013-01-08 10:43   Gizartea lontxosaharaBizikleta du ondarerik preziatuena Lorenzo Rojo gasteiztarrak; bi gurpilen gainean 182.000 km egin ditu azken hamabost urteetan. Gasteizen dago orain Lontxo baina hilabete gutxiren buruan bere bidaiarekin jarraituko du. Ameriketan du zain bizikleta.

Irregulartasunak salatu dituzte Gasteizko Udalean

hirinet 2012-12-14 13:03   Gizartea antonOposizioko taldeek salatu dutenez, bat baino gehiago izaten ari dira azkenaldian Gasteizko Udala eta irregulartasunak lotzen dituzten zantzuak. Azkeneko biak Ensanche 21 udal elkartearekin eta Gonzalo Anton enpresarioarekin sinatutako alokairu bateko akordioarekin lotuta daude.

Indarkeria matxistaren kontrako eguna azaroaren 25ean

hirinet 2012-11-23 14:57   Gizartea zintamoreaAzaroaren 25ean, igandean Indarkeria Matxistaren Kontrako Nazioarteko Eguna ospatuko da. Besteak beste, Gasteizen honako ekintzak eta mobilizazioak egingo dira.

Euskararentzako aurrekontua erdira murriztu nahi du Aldundiak

hirinet 2012-11-23 14:24   Gizartea aldundiaArabako Foru Aldundiak 2013ko aurrekontu proiektuan aurkeztu dituen murrizketetan euskara kaltetuenen artean aurkitzen da. Izan ere, Javier de Andresen gobernuak euskara egitasmoetara bideratuko duen diru saila erdira urrituko du. Euskararen aurkako jarrera hau ez da berria, De Andres agintean dagoenetik, euskarara bideratutako aurrekontua %66 murriztu baitu, hau da, milioi bat euro inguru.

Garoña ixteko plana, prest

hirinet 2012-11-19 10:00   Gizartea garonaPoliki-poliki, Santa Maria de Garoña (Burgos) zentral nuklearraren itxierak atzera bueltarik ez duela erakusten duten pausuak ematen ari dira. Azkena, Nuclenorrek berak eman duena, Iberdrolak eta Endesak osatzen duten enpresa, Garoña ustiatzen duena: Zentrala ixteko plana aurkeztuko dio CSN Espainiako Segurtasun Nuklearreko Kontseiluari. Betiere, aldaketarik ez bada, zentralak 2013ko uztailaren 6an utziko dio funtzionatzeari.

Azaroaren 14ko greba, mobilizazioak eta zerbitzu minimoak

hirinet 2012-11-13 11:01   Gizartea

GREBA-PAZAzaroaren 14an urteko hirugarren greba orokorra izango da. Oraingoan, CCOOk eta UGT deitu dute lanuztera, beste hainbat erakunde eta sindikaturen babesarekin. Deialdia Europako hainbat herrialdera iritsi da, CES Europako Sindikatuen Konfederazioak egun horretan protestak antolatzea erabaki baitu. Irailaren 26ko greba orokorrean ez bezala, ELAk eta LABek ez dute mobilizatzera deitu.

Ignacio Funes, ESK sindikatua: “Gizartean ematen ari garen eredua ez da batere ona, ez baikara ados jartzeko gai izan”

hirinet 2012-11-12 18:21   Gizartea

P1040343Datorren azaroaren 14an, asteazkena, Greba Orokorrera deitu dute CCOO, UGT, ESK, CGT eta CNT sindikatuek, besteak beste. Izan ere, CES Europako Sindikatuen Konfederazioak antolatuta, mobilizazio eguna izango da Europako Batasunean eta Portugal, Italia, Frantzia eta Grezia bezalako herrialdeetara zabalduko dira protestak.

‘Nik ere itxi nuen’, Garoñaren itxiera ospatzeko jaialdia

hirinet 2012-11-09 09:51   Gizartea

GARONA-nik-ere-garona-itxi-Garoñako zentral nuklearrak datorren urteko uztailaren 6an itxiko ditu ateak, azken informazioan arabera. Bihar, larunbata, Araba Garoñarik Gabe herri ekimenak itxiera ospatuko du eta ‘Nik ere Garoña itxi nuen’ lelodun jaialdia antolatu du. Plataformaren esanetan “Garoña guztion artean” itxi dugu, “urte askotako mobilizazioak eta borrokak” emaitzak eman dituzte eta orain ospatzeko garaia iritsi da, “garaipena gurea delako”.

Saregune, IKT-en eta herritarron topagune

hirinet 2012-10-26 02:00   Gizartea saregunelogoGasteizko Alde Zaharreko atarian aurkitzen da Saregune, bere koordinatzaileen esanetan, “aniztasunaren topagune” bilakatu den zentroa. Teknologia berriak gasteiztar guztiei hurbiltzea du xede,  formakuntza ardatz nagusia izanik. Bertan egiten den lana hobeto ezagutu nahi izan du Hirinet-ek eta Ainara Pérez Saregune proiektuaren arduraduna eta hezitzailea eta Estibaliz Cáceres teknologia berrietan hezitzailearekin solas egin du.

Gasteizko Euskalgintzak Udal Euskara Kontseilua agortutzat jotzen du eta bertan parte hartzeari uko egiten dio

hirinet 2012-10-18 18:56   Gizartea eman-euskarari-berea

Idazki hau sinatzen dugun taldeon ustez Udal Euskara Kontseiluak ez du balio ez funtsezko eztabaidak bideratzeko; ez hartzen diren erabakiak betetzen direla bermatzeko; ez egokitzapenak (izan helburuetan, izan aurrekontuetan) adosteko. Beraz, ez diogu zentzurik ikusten bertan jarraitzeari ez baita tresna baliagarria ez euskara zerbitzuaren lana errazteko ezta euskalgintzaren beharrak asetzeko ere.

Autobus geltoki berria, geroz eta gertuago

hirinet 2012-10-15 09:25   Gizartea

autobus geltokiaEuskaltzaindia plazak hartuko du Gasteizko autobus geltoki berria. Besteak beste, trenbidearen lurperatzea edota Arriaga parkearen biziraupena zela, urte luzeetan zehar desadostasuna izan da nagusi hiriburuko proiektu estrategiko honen gainean; haatik, aurreko astean izandako udal batzarrean PPk eta Bilduk bozak batu eta Herrandarren kalean behin-behinerako eraikia izan zen geltokiari agur esateko aurrerapausoa eman zuten. PSEko eta EAJko udal taldeak kontra agertu diren arren, ez dute gehiengorik proiektuari buelta emateko.

Desazkunde eta trantsizio bigarren topaketa Gasteizen

hirinet 2012-10-10 13:21   Gizartea

 

DESAZKUNDEA

 

Hurrengo egunetan, urriaren 11tik 14ra bitartean, 'Desazkunde eta trantsizio bigarren topaketa' izango da Gasteizen. 'Desazkundea' taldeak antolatu dituen jardunaldi hauek green hiriburuaren testuinguruan gauzatuko dira, antolatzaileen esanetan, "leku aproposa baita Gasteiz; azken urtean greentasunaren eredu bilakatu da, atzean fracking-a eta Garoña bezalako auziak dituelarik". Baina, zer da bada desazkundea? Kontzeptua argitzeko Hirinet-ek taldeko kidea den Iñigo Antepararekin hitz egin du.

 

 

 

 

 

Laminaciones Arreguiren erregulazio espedientea baliogabetu du EAEko Justizia Auzitegi Nagusiak

hirinet 2012-10-09 14:55   Gizartea

laminaciones5Euskal Autonomia Erkidegoko Justizia Auzitegi Nagusiak Laminaciones Arregui enpresak ezarri zuen enplegua erregulatzeko espedientea baliogabetu egin du, bere esanetan, grebarako eta askatasun sindikalerako oinarrizko eskubideak urratzen dituelako.