1976ko martxoaren 3an Gasteizen jazotako hilketak argitu eta epaitu daitezela eskatzeko Arabako instituzioek kereila aurkeztu zuten iragan urteko urrian. Bada, Arabako fiskalak kereila horiek ez aztertzeko eskatu dio Gasteizko instrukzio epaitegiari, txosten batean; salatutako gertaerak preskribatuta daudela esan du fiskalak, eta garaiko Espainiako zuzenbideak ez zituela gizadiaren aurkako krimenak aitortzen.
Epaitegiek eskatuta aurkeztu du txostena Fiskaltzak, baina ez da loteslea ezta bete beharrekoa ere. Dena den auziak zer bidea jarraitu dezakeen erakusten du. Azkenean, epaitegiak kereila artxibatzea erabakitzen baldin badu, Arabako Probintzi Auzitegiaren aurrean apelazio helegitea aurkeztu ahal izango dute Arabako instituzioek.