Une honetan Artiumeko iparraldeko eta hegoaldeko aretoak itxita daude, bertako lurra ordezkatzen ari direlako. Areto horiek, biek batera, 3.000 metro koadro egiten dute, eta Aldundiak, iaz, erabaki zuen 350.000 euro bideratzea lan horietara. Espero da areto horiek apirilerako erabilgarri egotea.
Katedral zaharraren kripta
Santa Maria Katedrala Fundazioari zuzendutako aurrekontua, katedralaren zaharberritze lanetan jarrai dezan eman dio Aldundiak. 2016an katedraleko kriptak jendeari zabaltzeko abiatutako bideari eusten ahaleginduko da fundazioa. Aldundiak argitu duenez, "tenpluaren lurpeko zati hori museo bihurtu da eta hiriko historiaren zati garrantzitsu bat biltzen du". Ekimen horrek eta beste batzuek Gasteizko turismoaren "ardatzetako bat" bihurtu dute Santa Maria katedrala. 6.000 bisitari irabazi zituen iaz, alegia, 88.615 izan sitúen.