Gasteizko Udalak Izaskun Arrue euskaltzalea omenduko du Euskararen Egunean. Hala erabaki du gaur goizean Udal Gobernuak egindako Eledunen Batzarrean. Hiriko lehen andereñoa izan zen Arrue, eta Gasteizen euskararen irakaskuntzaren sustatzaile nagusietako bat. Arrue azaroaren 10ean zendu zen.
Abenduaren 3an ospatuko den Euskararen Nazioarteko Egunean egingo zaio omenaldia Gasteizen euskara berreskuratzeko gako izandako emakumeari. Zeharki, lore-sorta bat eta aurreskua eskainiko zaizkio. Omenaldia Euskaldun Berriaren plaza (Eskoriatza-Eskibel jauregiaren sarrera nagusiaren aurrealdean) inauguratzeko ekitaldiaren barruan egingo da.
