Ramon Bajo ikastetxeko 106 neska-mutilek Harresiak apurtzen euskarazko errezitaldia eskaini dute gaur goizean, egunotan Gasteizen ospatzen ari den IV. Nazioarteko Poesia Jaialdiaren baitan. Hitzordua Escoriaza-Esquivel jauregiaren atzealdean dauden harresi historikoetan izan da. Umeekin batera, musikariak eta zenbait guraso aritu dira, baita aurpegi ezagunak ere, hala nola, Bingen Mendizabal musikaria eta Ruben Sanchez eta Iñaki Viñaspre bertsolariak.