Itziar Gonzalo de Zuazo Gasteizko Udaleko zinegotzi kargua hartu du gaur egin den osoko bilkuran.
Itziar Gonzalo Ekonomiaren eta Udal Administrazioaren Arloko koordinatzaile nagusia izan da agintaldiaren hasieratik. Gaurtik aurrera, lehen alkateordea eta Hirigintzako, Ingurumen eta Osasun Publikoko, Nekazaritza Eremuko eta Ogasuneko zinegotzia izango da. Bihar Ingurugiro Gaietarako Ikastegiko eta Tuvisako lehendakari izendatutako dute. Modu honetan, Borja Belandia zinegotziak utzitako lekua beteko du Gonzalok.
Gasteizen jaio zen, 1967an. Zuzenbidean lizentziaduna da, Deustuko Unibertsitatean. Arabako Abokatuen Elkargoaren Praktika Juridikoaren Eskolan ere ikasi zuen. Añanako Kuadrillako kudeatzaile eta legelaria izan zen 2011tik 2015era arte, eta lehenago ere aritu zen zeregin horietan, 1993tik 2007ra bitartean. Gainera, Araba Garapen Agentziako –Arabako Foru Aldundiaren sozietate publikoa– zuzendari kudeatzailea izan zen, 2007tik 2011ra bitartean. Vital Kutxan ere lan egin zuen, erdi-mailako teknikari gisa, baita abokatu gisa ere, bere kontura.
Zinegotzi kargua hartu ondoren, Tokiko Gobernu Batzarrak bilera egin du, udal-gobernua berrantolatzeko. Iñaki Prusilla zinegotziak Herritarren Segurtasunaren Arloa hartuko du bere gain, eta Jaione Aguirre zinegotziak, Mantentze Zerbitzua.