Bi hamarkada bete ditu taula gainean. Oraingoan, ordea, sekula baino bakarlariago dator Mikel Urdangarin (Zornotza, 1971). Ahotsa eta gitarra ditu soilik bidelagun, eta hasierako urteetan ez bezala taula gainean "benetan gozatzen" ari dela dio. Gasteizko Principal antzokian ostegunean, hilaren 11n, eskainiko duen kontzertua ere halakoa izatea espero du, ospakizun berezia. Lagunez inguratuta eskainiko ditu haren ibilbideko hainbat kanta, MMXV diskoan ere jasotakoak.
Nolakoa izaten ari da kontzertu bira?
Oso polita. Joan den urteko otsailean hasi ginen, Getxon, nahiz eta abiapuntua hemen Gasteizen izan zen; Baratza aretoan eskaini genituen bi kontzertu, 2014ko urrian, nolabaiteko froga bat izan zirenak niretzat. Frogatu nuen formatu horretan, bakarkako emanaldi horretan, kapaza izan nintekeela kontzertu bat aurrera eramateko nolabaiteko bermearekin. Bi emanaldi oso berezi izan ziren, oso beroak eta horietan pentsatu nuen areto handiagoetara eramatea. Konfiantza eta indarra hartu nuen ondoren etorriko zenerako.
Irakurri asteko elkarrizketa osoa Arabako Alea aldizkariko 49.zenbakian. Harpidetza egiteko hemen.