Espaloiaren zati bat kendu eta 35 metroko aparkalekua jarriko da Frantzia kalean. Modu honetan lehen Herrandarren kalean zegoena ordeztuko duen taxi geltoki berria jartzeko lanak hasi dira. Obrak oinezkoen joan-etorria eten gabe egingo dira. Zehazki, lan hauek egingo dira: zuinketa, eraispenak eta hondeaketak, hustubideak egokitzea, farola bat lekuz aldatzea, galtzada sendotzea, hormigoizko bide-bazterra jartzea, espaloian zintarria jartzea eta zoladura errematatzea, asfaltatzea, eta seinaleztapen horizontala eta bertikala jartzea.
Gremioko profesionalek ontzat jo dute aparkaleku berria eta hilabete honetan bertan amaitzea aurreikusi du Udalak.