Arratsaldeko 19:00etan abiatuko da 'Garoña itxi orain' lemapean antolatu duten martxa, Andre Mari Zuritik. Gizarte erakunde, sindikatu, auzo elkarte, eta, Arabako kontzejuen babesa jaso du manifestazioak.
Gogoratu dutenez, "2017an, zentrala itxi zela lau urte igaro direnean, ez teknikoa, ez independientea den Segurtasun Nuklearraren Batzordearen txosten batean onarrituta, PPren gobernuak zentralaren irekiera baimenduko duen aginduaren zain gaude".
Alta, plataformaren ustetan, egoera honetara "ez gara iritsi soilik PPk izan duen jarrerari esker edo Segurtasun Nuklearraren Batzordea gobernuaren "jarraitzaile bilakatu delako. Arrazoi horiez gain, publikoki zentralaren itxiera aldarrikatzen duten partiduen inplikazio eza dugu, ez baitituzte behar diren baliabideak jartzen itxiera gauzatzeko".
ELA, LAB, CC.OO, UGT, ESK, STEILAS, CNT, eta CGT sindikatuek bat egin dute manifestazioarekin. Halaber, Arabako Kontzejuen Elkartea, Bilgune Feminista, Arabako Emakumeen Asanblada, eta UAGA besteak beste atxikitu dira martxara.