Abenduaren 2tik 6ra bitartean, Durangoko Azoka ospatuko da, azken urteetako azokarik goiztiarrena. 246 stand, 349 nobedade eta 200 ekitalditik gora izango ditu azokak 51.edizio honetan. Landako Gunearen ohiko ordutegia, urtero bezala, goizeko 10:30etik arratsaldeko 20:00ak arte izango da.
Kulturaren plazara gerturatzen direnek, bost egunez, 200 ekitaldiz gozatzeko aukera izango dute: kontzertuak, solasaldiak, proiekzioak, umeentzako jarduerak, tailerrak, ikuskizunak eta abar.
Aurten, Shakespeareren heriotzaren 400. urteurrena da, eta ospakizun hori bera Donostia 2016ren programaren gai garrantzitsua izan da urtean zehar. Hori dela eta, gaur abiatu den Durangoko Azokaren irekiera eta itxiera ekitaldietan Karrika konpainiak 15 minutuko pieza bana egingo du Deshakespearezioa obran oinarrituta.
Durangoko Azokaren 51.edizioa: EGITARAUA