DHL Arasurreko langileek hitzarmen "duin" bat eskatu dute, enpresak Agurainen eta Gasteizko Mercedesen dituen beharginek dituzten baldintza berdinak izateko. Horretarako, elkarretaratzeak deitu dituzte ostegunean eta ostiralean.
DHL Arasurreko langileek 1.732 ordu egiten dituzte urtean; Aguraingoek, aldiz, 1.725, UGT sindikatuak ohar baten bidez iragarri duenez. Mercedes enpresan kokatzen den DHLko beharginekin aldea nabariagoa da; urtean 1.712 ordu egiten dituzte.
Era berean, hitzarmenaren negoziazioa "blokeatuta" dagoela kritikatu du UGTk, “hasieratik enpresak langileen lan baldintzak hobetzeari uko egin baitio”.