Aurreko asteburuan Piriniotako artisau gazten lehiaketa egin dute Kataluniako Seu D’Urgell herrian. Bertan, Ilarduiako La Leze gaztandegiak Urrezko domina irabazi du eta Eginoko Sat Olano gaztandegiak brontzezkoa, ardi esne egindako gaztaren modalitatean. Biak Idiazabal jatorri izendapeneko gaztak dira.
Lehiaketa honetan Pirinioekin lotura duten hainbat herrialde eta jatorri izendapenetako gaztak lehiatzen dira, horien artean Kataluniakoak, Aragoikoak, Frantziakoak eta Euskal Herrikoak. Aurtengo ekitaldian 120 gaztak parte hartu dute eta 40 izan dira epaimahaikideak.
Era berean, gaztazaharra modalitatean, Sat Olanok urrezko domina lortu zuen eta La Lezek zilarrezkoa, haien urdin ardi gaztarekin.
Idiazabal Gazta Jatorri Izenaren Kontseilu Arautzaileak poz handia adierazi du. "Sari hauek guztiak gure artzainek egiten duten ahalegin, ilusio eta ondo egindako lan gogorraren kanpoko aitorpena da".