Literary Wonderlands: A Journey Through the Greatest Fictional Worlds Ever Created, halaxe du izenburu Laura Millerrek atondutako bildumak (Black Dog & Leventhal Publishers. New York, 2016). Oso edizio zaindua duen liburua da, literaturaren historian sortu diren fikziozko unibertso literario ederrenen aipamenekin.
Editoreek 100 idazlan bildu dituzte katalogoan, beraientzat literaturaren historian giltzarri izan direnak, eta guztiak ere irakurleontzat ezagun-ezagunak, besteak beste, Odisea, On Kixote, Gulliverren bidaiak, Alizia herrialde miresgarrian, Eraztunen jauna, Ehun urte bakardadean, Harry Potter, Pedro Paramo,... eta beste makina bat. Horien artean, euskaldunok ere badugu ordezkaririk, Bernardo Atxagaren Obabakoak (eta Obaba bera) sartu baitituzte historiako lanik aipagarrienen artean, idazleak Obaban sortu duen mundu literarioaren garrantzia azpimarratuz.
Literary Wonderlands
Hona hemen liburuan nola aipatzen den Atxagaren lana, eta liburuaren aurkezpena bera (PDF honetan ikusi dezakezue liburuaren azala, aurkibidea eta Obabari buruzko atala):