Euskararen Plan Estrategikoa (2014-2017) betetzeko helburuarekin, Arabako Aldundiak euskara bultzatuko duten hainbat proiektu diruz lagunduko ditu. Kuadrillek –Gasteizek izan ezik–, Trebiñuko Udalak eta Euskararen Foru Zerbitzuak osatu dute programa.
Hala, Gorbeialdea Kuadrillako “Gorbeiapeko gazteak, euskaraz!” programa, Añanako "Familian euskaraz", Aiaraldeako "Aiaraldea euskaraz 2016", Lautadako "Euskaraz hartu, euskaraz busti", Mendialdeko “Familiekin elkarlanean Arabako Mendialdeko haurren eta gazteen euskararen erabilera indartzea" programa, Errioxako "Kalean bizi-bizi" eta Trebiñuko "Saretzen" ekinaldiak bultzatuko ditu.