Abuztuaren 5era bitartean, Emakumezkoen V. Pala Txapelketa izango da Gasteizen. Arabako Pilota Federazioak, Udalaren laguntzarekin, antolatutako txapelketa Foru plazako frontoian jokatuko da. Zehazki, partidak uztailaren 14an, 19an, 21ean, 25ean, 26an eta 28an izango dira, arratsaldeaz. Abuztuaren 3an eta 5ean, goizez izango dira, azken egun honetan finala jokatuko dute.
Horrela, pilotazaleek probintziako palista hoberenak ikusteko aukera izango dute. Horietako batzuk espezialitateko onenak dira, GRAVNI txapelketak irabazi baitituzte. Jokalariak Gasteiz, Oion, Dulantzi, Laudio eta Amurriotik datoz.
Gero eta emakume pilotari gehiago Araban
Txapelketaren aurkezpenean Arabako Euskal Pilota elkartearen lehendakari Fernando Palaciosek adierazi du azken urteetan pilotan emakumearen eboluzioa "izugarria" izan dela. 2010ean 9 lizentzia zeuden, 2016an, berriz, 32. Horrez gain, orain sei urte kirol eskolan ez zegoen emakumezkoen fitxarik eta egun, ordea, 80 neska daude ikasturtean zehar pilotan jokatzen.